گوگل نیوز پر ہمیں فالو کریںنئی دہلی: بھارت کی اپوزیشن جماعت کانگریس کے صدر ملکارجن کھڑگے نے کہا ہے کہ بھارت کی 5ریاستوں میں انتخابات کے اعلان کے ساتھ ہی بی جے پی کو الوداع کہنے کا وقت ہوا چاہتا ہے۔
سماجی رابطے کی ویب سائٹ ٹوئٹر پر صدر کانگریس ملکارجن کھڑگے نے کہا کہ بھارت کی 5 ریاستوں میں انتخابات کے اعلان کے ساتھ ہی بی جے پی اور اتحادیوں کو خدا حافظ کہنے کا اعلان بھی کردیا گیا ہے۔
کانگریس کے صدر نے بھارتی وزیر اعظم مودی کو زہریلا سانپ کہنے پر معافی مانگ لی
ٹوئٹر پیغام میں ملکارجن کھڑگے نے کہا کہ چھتیس گڑھ، مدھیہ پردیش، راجستھان، تلنگانہ اور میزورم میں کانگریس پارٹی طاقت کے ساتھ عوام کا رخ کرے گی اور ووٹ مانگے گی۔
5 राज्यों के चुनावों की घोषणा के साथ भाजपा और उसके साथियों की विदाई का भी उद्घोष हो गया है।
छत्तीसगढ़, मध्य प्रदेश, राजस्थान, तेलंगाना और मिजोरम में कांग्रेस पार्टी मज़बूती के साथ जनता के पास जाएगी।
जन-कल्याण, सामाजिक न्याय और प्रगतिशील विकास ही कांग्रेस पार्टी की गारन्टी…
— Mallikarjun Kharge (@kharge) October 9, 2023
خیال رہے کہ موجودہ بھارتی وزیر اعظم نریندر مودی کے دور میں بھارت کی سیاست میں بھونچال آچکا ہے جس سے قومی مفادات کو نقصان پہنچا۔ ملکارجن کھڑگے کا کہنا ہے کہ کانگریس پارٹی عوامی بہبود، سماجی انصاف اور ترقی پسند خوشحالی کی ضامن بنے گی۔
خیال رہے کہ اس سے قبل انڈین نیشنل کانگریس کے صدر ملکارجن کھڑگے نے بھارتی وزیر اعظم نریندر مودی کو زہریلا سانپ کہنے پر معافی مانگ لی تھی۔
اپریل کے دوران انتخابی میٹنگ سے خطاب کرتے ہوئے صدرِ کانگریس ملکارجن کھڑگے نے کہا کہ وزیر اعظم مودی ایک زہریلے سانپ کی طرح ہیں۔ آپ سوچیں گے کہ یہ زہر ہے یا نہیں، لیکن اگر آپ نے اسے چکھا تو مر جائیں گے۔
