گوگل نیوز پر ہمیں فالو کریںملاکنڈ یونیورسٹی کے لیکچرار عبدالحسیب پر طالبہ کو جنسی طور پر ہراساں کرنے کے الزامات ثابت ہوگئے، جس کے بعد اینٹی ہراسمنٹ کمیٹی کی سفارش پر سینڈیکیٹ نے ملازمت سے برخاست کردیا۔
ملاکنڈ یونیورسٹی نے لیکچرار عبد الحسیب کو ملازمت سے فارغ کر دیا ہے، لیکچرار پر طالبات کے ساتھ جنسی ہراسمنٹ کا الزام تھا، فیصلہ سنڈیکیٹ کے اجلاس میں کیا گیا۔
ضلع لوئر دیر کے علاقے ملاکنڈ میں قائم ملاکنڈ یونیورسٹی نے لیکچرار عبد الحسیب کے خلاف چار فروری کو ملاکنڈ یونیورسٹی میں اردو ڈپارٹمنٹ کی ایک طالبہ نے اغواء اور جنسی ہراسانی کا مقدمہ درج کیا تھا۔
ذرائع کے مطابق پانچ فروری کو یونیورسٹی نے ملزم کو معطل کر کے معاملہ اینٹی ہراسمنٹ کمیٹی کو بھجوا دیا تھا جس کے بعد ملزم کی برطرفی کا فیصلہ آج سنڈیکیٹ اجلاس میں کیا گیا۔
ذرائع کے مطابق فیصلہ اینٹی ہراسمنٹ کمیٹی کی سفارشات کی روشنی میں کیا گیا ہے، جس میں ثابت ہوا کہ ملزم نے ہراساں کیا تھا۔
