فلم “میڈ” کی جذباتی اسٹوری نے نیٹ فلیکس پر دھوم مچا دی

نیٹ فلکس پر ریلیز ہونے والی فلم “میڈ” کو اپنی جذباتی کہانی کی وجہ سے ایک بہترین فلم قرار دیا جارہا ہے۔ فلم نے اپنے دیکھنے والوں کے ذہنوں پر گہرے نقوش چھوڑے ہیں۔

فلم کی کہانی غربت ، گھریلو تشدد اور امریکہ کے بکھرے معاشرے کے گرد گھومتی  ہے۔ فلم کی کہانی نے پوری کاسٹ کو بری طرح متاثر کیا ہے۔ یکم اکتوبر کو ریلیز ہونے والی فلم “میڈ” ایک ماں کی زندگی کی جدوجہد کے گرد گھومتی ہے۔ جو اپنی اور اپنی بیٹی کے بہترین مستقبل کے لیے جدوجہد کرتی ہے۔

فلم “میڈ” کی کہانی ایک ایسی خاتون کے گرد گھومتی ہے جس کو اس کو بوائے فرینڈ کر چھوڑ کر چلا جاتا ہے۔ وہ کم تنخواہ پر ایک گھر پر صفائی ستھرائی کی نوکری حاصل کرتی ہے، تاکہ اپنی زندگی کو بہتر بناسکے۔ فلم امریکی معاشرے میں نوکر شاہی نظام کے خلاف لڑنے والی ماں کی جدوجہد کی عکاسی کرتی ہے۔

یہ بھی پڑھیں

علیزے شاہ کا دلہن کے لباس میں فوٹو شوٹ سوشل میڈیا پر وائرل

حلیمہ سلطان پاکستان میں گوگل پر ٹاپ ٹین سرچنگ میں شامل

فلم میں “الیکس” کا کردار ادا کرنے والی خاتون اداروں سے اہل ہونے کے باوجود حکومتی اداروں سے مالی مدد حاصل کرنے کی کوشش کرتی تاہم اداروں کی  بھول بھلیوں میں الجھ کر رہ جاتی ہے۔ اسی دوران اس کے بچے کو اس کی تحویل سے واپس لےلیا جاتا ہے۔ الیکس کو اس کے بوائے فرینڈ کے والدین ایک ہفتے کا وقت دیتےہیں کہ وہ ثابت کرسکے کہ وہ اپنی بچی کو سنبھالنے کی اہلیت رکھتی ہے یانہیں۔

دریں اثنا الیکس کے پاس صرف چھ ڈالر کی رقم بچتی ہے جس میں سے بھی خرچہ جاری ہے۔ فلم میں دکھایا گیا ہے کہ بدترین معاشی حالات کی شکار ماں کیسے اپنی بچی کے ساتھ زندگی کی جنگ لڑ رہی ہے۔

فلم “میڈ” کی کہانی غربت میں پسی ہوئی ماؤں کو طاقت دیتی جو اپنے خاندان کی بہتری کے لیے جدوجہد کرنا چاہتی ہیں۔ جو اپنے زہریلے رشتوں پر انحصار نہیں کرنا چاہتی ہیں۔ یہ فلم ان خواتین کو حوصلہ دیتی ہے جو تمام رشتوں کو توڑ کر آگے بڑھنا چاہتی ہیں۔ یہ فلم مستقبل کی جنگ کے حوالے سے ایک بہترین کہانی ہے۔