درجنوں شہری اومی کرون سے متاثر، کراچی میں پھر لاک ڈاؤن لگ گیا

کراچی: شہر قائد میں اومی کرون وائرس پھیل گیا، درجنوں شہری نئی وباء سے متاثر، شہری انتظامیہ نے ایک بار پھر لاک ڈاؤن لگادیا۔

گلشن اقبال سب ڈویژن کے علاقے بلاک 7 میں ایک درجن افراد میں اومی کرون ویرینٹ کی تشخیص کے بعد ڈپٹی کمشنر ایسٹ طحہ سلیم نے مائیکرو اسمارٹ لاک ڈاؤن لگانے کا نوٹیفکیشن جاری کردیاہے۔

لاک ڈاؤن ہاٹ اسپاٹ علاقوں میں ڈسٹرکٹ ہیلتھ آفیسر کی رپورٹ کے مطابق لگایا گیا ،مائیکرو اسمارٹ لاک ڈاؤن والے ایریاز میں کسی بھی قسم کی اجتماعات اور تقریبات پر مکمل پابندی ہوگی ۔

ہاٹ اسپاٹ ایریاز میں ایس او پیز پر سختی عملدرآمد کروایا جائے گا ،مائیکرو اسمارٹ لاک ڈاؤن والے ایریاز میں ماسک کا استعمال لازمی قراردیا گیا ہے جبکہ مائیکرو اسمارٹ لاک ڈاؤن 31 دسمبر کی رات 12 بجے سے 14 جنوری کی شام تک نافذالعمل رہے گا۔

مزید پڑھیں:اومی کرون کا خطرہ بڑھ گیا، حکومت نے تمام تعلیمی ادارے بند کرنے کا اعلان کردیا

دوروز قبل وزارت صحت کا تھاہے کہ کراچی، لاہور اور اسلام آباد میں اب تک 75 افراد میں اومی کرون کی تصدیق ہوچکی ہے اور خدشہ ہے کہ آنے والے دو ہفتوں میں پورے ملک میں کورونا کے کیسز میں اضافہ ہو سکتا ہے۔

نیشنل انسٹی ٹیوٹ آف ہیلتھ سائنسز اسلام آباد نے بھی تصدیق کی ہے کہ پاکستان میں اب تک اومی کرون کے 75 کیسز کی رپورٹ ہو چکے ہیں جن میں سے 33 کراچی میں ہیں جہاں پہلا کیس 13 دسمبر 2021 کو رپورٹ ہوا تھا جبکہ اسلام آباد میں اومی کرون ویرینٹ کے 17 کیسز سامنے آئے ہیں اور 13 لاہور سے رپورٹ کیسز ہوئے۔