گوگل نیوز پر ہمیں فالو کریںپولیس لائنز کی مسجد میں خود کش دھماکے کے نتیجے میں شہید ہونے والوں کی یاد میں لاہور کے لبرٹی چوک میں شمعیں روشن کی گئیں ہیں۔
سماجی رابطے کی ویب سائٹ ٹوئٹر پر اپنے پیغام میں کمشنر لاہور محمد علی نے سانحہ پشاور کے شہداء کی یاد میں لبرٹی چوک میں شمعیں روشن کرنے کی ویڈیو شیئر کی۔سانحے کے شہدا کو خراجِ تحسین پیش کیا جارہا ہے۔
پرویز مشرف کی تدفین کب اور کہاں ہوگی؟
ٹوئٹر پر شیئر کی گئی ویڈیو میں دیکھا جاسکتا ہے کہ سانحہ پشاور کے شہدا کی یاد میں لبرٹی چوک میں شمعیں روشن کی جارہی ہیں۔ کمشنر لاہور محمد علی اور سی سی پی او بلال صدیق کمیانہ نے شمعیں جلا کر شہدا کو سلام پیش کیا۔
سانحہ پشاور کے شہداء کی یاد میں لبرٹی چوک میں شمعیں روشن کی جارہی ہیں.
کمشنر لاہور محمد علی اور سی سی پی او لاہور بلال صدیق کمیانہ نے شمعیں جلا کر شہدا کو سلام پیش کیا.
سول سوسائٹی کے افراد نے اس میں شرکت کی. pic.twitter.com/CDgOumPcUC
— Deputy Commissioner Lahore (@DCLahore) February 6, 2023
شمعیں جلانے کی تقریب میں لاہور کی ضلعی انتظامیہ کے عہدیداران اور مختلف شعبہ ہائے زندگی سے تعلق رکھنے والے سول سوسائٹی کے افراد نے شرکت کی اور پولیس لائنز بم دھماکے میں شہید ہونے والوں کیلئے دعا کی۔
خیال رہے کہ پشاور کے ریڈ زون میں قائم پولیس لائنز کی مسجد میں خودکش بم دھماکے کے نتیجے میں 100 سے زائد افراد شہید جبکہ 200 سے زائد زخمی ہوگئے تھے۔ دھماکے کے نتیجے میں مسجد کی دیواریں اور چھت گر گئی تھی۔
شہید ہونے والے زیادہ تر افراد کا تعلق پولیس سے تھا۔ آئی جی خیبر پختونخوا معظم جاہ انصاری نے سانحے کے بعد نیوز کانفرنس کے دوران کہا کہ پشاور دھماکے کے متعلق سازشی تھیوریز بند ہونی چاہئیں۔ واقعہ خودکش دھماکے کا نتیجہ تھا، ڈرون حملے کا نہیں۔
