گوگل نیوز پر ہمیں فالو کریںطرابلس: لیبیا کی قومی فوج نے بتایا کہ اس کی فضائیہ نے مصراتہ ایئر فورس کالج اور طرابلس میں معیتیقہ فوجی اڈے پر الوفاق ملیشیا سے وابستہ متعدد ٹھکانوں پر بمباری کی ہے جس کے نتیجے میں وہاں پر ذخیرہ کیے گئے متعدد ڈرون طیارے اور دیگر اسلحہ اور گولہ بارود تباہ ہوگیا۔
غیرملکی خبررساں ادارے کے مطابق لیبیائی فوج کی طرف سے جاری کردہ بیان میں کہا گیا کہ فضائیہ نے مصراتہ ایئرفورس کالج پر گولہ بارود اور ڈرونز کے گوداموں کو نشانہ بناتے ہوئے تین فضائی حملے کیے۔اس کے علاوہ طرابلس میں الوفاق ملیشیا کے زیرانتظام معیتیقہ اڈے کے ملٹری سیکشن میں ملیشیا کے ایک آپریشن روم کو نشانہ بنایا۔
اس کے علاوہ اس اڈے پر موجود ڈرونز، ان کے انفراسٹرکچر، اور میزائلوں سمیت دیگر اسلحہ کو 100 فی صد تباہ کردیا گیا۔مصراتہ کا اسٹریٹجک ایئر بیس لیبیا کی قومی الوفاق ملیشیا کے پاس ہے۔ قومی وفاق حکومت اس اڈے کو مختلف آپریشنل کارروائیوں میں استعمال کرنے کے ساتھ ترکی سے لائے گئے اسلحہ اور گولہ بارود کو ذخیرہ کرنے کے لیے بھی استعمال کرتی ہے۔
یہ بھی پڑھیں: شام میں ترک نواز جنگجوؤں کا امریکی قافلے پرحملہ، روس کی تصدیق
