گوگل نیوز پر ہمیں فالو کریںکراچی: پاک بحریہ کی جانب سے 48 ٹن وزنی بولارڈ پل ٹگ کی افتتاحی تقریب کراچی شپ یارڈ اینڈ انجینئرنگ ورکس میں منعقد ہوئی جس کے مہمانِ خصوصی ڈپٹی چیف آف نیول اسٹاف وائس ایڈمرل عمران احمد تھے۔
مہمانِ خصوصی نے اپنے خطاب میں کہا یہ ”ٹگ” کراچی شپ یارڈ کی اعلیٰ کارکردگی کا آئینہ دار ہے جو ٹی او آر گروپ ترکی کے تعاون سے بنایا گیا ہے۔
انھوں نے شپ یارڈ کے انجینئرز کو سراہتے کہا کہ یہ ادارہ مستقبل میں بھی پاک بحریہ کی ترقی میں کوشاں رہے گا۔ انھوں نے اس موقع پر وزارتِ دفاع کا بھی شکریہ ادا کیا جس نے اس منصوبے کی تکمیل میں بھرپور معاونت کی تھی۔
مزید پڑھیں:تحریک انصاف کا لانگ مارچ، ریڈزون میں فوج تعینات کرنے کا فیصلہ
واضح رہے کہ پاک بحریہ کی جانب سے قائم کردہ یہ ٹگ اعلیٰ فنٌی نمونے کے ساتھ ساتھ متعدد سہولیات سے بھی آراستہ ہے جن میں سی مین شپ، نیوی گیشن اور حفاظتی انتظامات بھی شامل ہیں۔ تقریب میں پاک بحریہ کے متعدد افسران بھی شریک تھے۔
