گوگل نیوز پر ہمیں فالو کریںسوشل میڈیا صارفین کی توجہ کا مرکز بننے والے ڈرامہ سیریل کبھی میں کبھی تم کی آخری قسط سینما گھروں میں نمائش کیلئے پیش کی جائے گی۔
ڈرامہ سیریل کبھی میں کبھی تم میں فہد مصطفیٰ اور ہانیہ عامر نے بالترتیب مصطفیٰ اور شرجینا کے کردار نبھائے، یوٹیوب پر ڈرامے کی قسطوں کو لاکھوں بار دیکھا جاچکا ہے جس سے ٹی وی سیریل کی بے پناہ مقبولیت کا اندازہ کیا جاسکتا ہے۔
View this post on Instagram
یوٹیوب صارفین کو سینما گھروں میں پیشکش کے بعد ڈرامے کی آخری قسط دکھائی جائے گی۔ ناظرین کی بڑی تعداد ڈرامے کے ہیرو اور ہیروئن کی اداکاری کو پسند کر رہی ہے۔ ڈرامے میں گھریلو مسائل اور معاشی پیچیدگیوں کو موضوع بنایا گیا ہے۔
View this post on Instagram
نجی ٹی وی ایکسپریس نیوز کی رپورٹ کے مطابق ڈرامے میں ہانیہ عامر اور فہد مصطفیٰ کی حیرت انگیز کیمسٹری کو سراہا جارہا ہے۔ خدشہ یہ ظاہر کیا گیا ہے کہ ڈرامے کے آخر میں کسی کردار کی وفات ہوگی تاہم اختتام محبت بھرا ہوگا، نہ کہ تشویشناک۔
جب تک آخری قسط نشر نہ کردی جائے، مداحوں کو کبھی میں کبھی تم کا انتظار ہی رہے گا۔ ڈرامہ سازوں کا کہنا ہے کہ کبھی میں کبھی تم کی آخری قسط 5نومبر کو ملک بھر کے سینما گھروں میں پیش کی جائے گی۔ ایڈوانس بکنگ بھی شروع کردی گئی۔
