گوگل نیوز پر ہمیں فالو کریںپشاور :سندھ اور پنجاب کے بعد خیبرپختونخوا میں بھی کورونا وائرس کے باعث ماسک کے بغیر سرکاری دفاتر میں داخلے پر پابندی عائد کردی گئی ہے۔
صوبائی حکومت کی جانب سے تمام محکموں کو ہدایت کی گئی ہے کہ وہ دفتروں میں نو ماسک نوسروس کے بینرز لگائیں۔
حکومت پنجاب نے بھی سرکاری دفاتر میں ماسک کو لازمی قرار دے دیا ہے اور اس سلسلے میں نوٹیفکیشن بھی جاری کیا ہے۔
اسی طرح حکومت سندھ نے دفاتر میں ماسک ، ہینڈ واش اور سینی ٹائزر کے استعمال کو لازمی قرار دے دیا ہے جبکہ عوامی داخلے پر پابندی ہے۔
لوگوں کو مشورہ دیا گیا ہے کہ وہ سرکاری دفاتر سے آن لائن پورٹل یا ای میل کے ذریعے رابطہ کریں۔ صرف چوتھائی ملازمین دفاتر میں کام کریں گے اور اگر ایس او پیز کی خلاف ورزی کی گئی تو کارروائی کی جائے گی۔
واضح رہے کہ وفاقی حکومت نے ملک میں کورونا وائرس کی وباء کو بڑھنے سے روکنے کیلئے ملک بھر میں ایس او پیز کی خلاف ورزی کرنیوالوں کیخلاف جرمانے عائد کرنے کا فیصلہ کیا ہے۔
مزید پڑھیں:سندھ حکومت نے عید قرباں پر مویشی منڈیاں لگانے کی اجازت دے دی
