گوگل نیوز پر ہمیں فالو کریںمعروف کورین اداکار لی جونگ سک کی معروف کورین گلوکارہ آئی یو کے ساتھ تعلقات کی خبریں سامنے آرہی ہیں۔
کورین میڈیا کے مطابق مشہور پاپ گلوکارہ آئی یو ( لی جی ایون) اور کورین اداکار لی جونگ سک ایک دوسرے کو ڈیٹ کررہے ہیں، یہ خبر ڈسپیچ کی جانب سے سب سے پہلے شیئر کی گئی۔
IU and Lee Jongsuk are reportedly dating. pic.twitter.com/2nxgQlscga
— Pop Base (@PopBase) December 31, 2022
رپورٹ کے مطابق دونوں ستارے تقریباََ چار ماہ سے ایک دوسرے کو ڈیٹ کررہے ہیں، دونوں کی ملاقات 10 سال قبل ہوئی تھی، وہ ایک دوسرے کے اچھے دوست تھے لیکن اب یہ دوستی محبت کے رشتے میں بدل چکی ہے۔
سدھارتھ ملہوترا اور کیارا ایڈوانی کی شادی کب ہوگی؟
ڈسپیچ کی جانب سے یہ دعویٰ بھی کیا گیا ہے کہ لی جونگ سک اور آئی یو نے رواں سال کا کرسمس بھی ساتھ منایا تھا اور گلوکارہ نے رواں سال ہونے والی اداکار کے بھائی کی شادی میں بھی شرکت کی تھی۔
مزید برآں اس خبر کی تصدیق اداکار لی جونگ سک کی ایجنسی کی جانب سے بھی کردی گئی ہے۔
