گوگل نیوز پر ہمیں فالو کریںدوحہ: امیرِ قطر تمیم بن حماد الثانی نے پاکستان میں سرمایہ کاری اور عوام کی ترقی و خوشحالی کے منصوبوں میں گہری دلچسپی اور تعاون کا عندیہ دیا ہے۔ قطر پاکستان کے مختلف شعبوں میں بھاری سرمایہ کاری کرے گا۔
سماجی رابطے کی ویب سائٹ ٹوئٹر پر اپنے پیغام میں وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے گزشتہ روز کہا کہ امیر قطر کی پاکستان میں سرمایہ کاری، عوام کی ترقی اور خوشحالی کے منصوبوں میں گہری دلچسپی اور تعاون کا خیرمقدم کرتے ہیں۔
معاونِ خصوصی برائے اطلاعات و نشریات ڈاکٹر فردوس عاشق اعوان نے دورۂ قطر کے دوران وزیر اعظم کی امیرِ قطر سے ہونے والی ملاقات کی تفصیلات بتاتے ہوئے کہا کہ وزیراعظم کی امیر قطر سے ملاقات میں دوطرفہ تعلقات، تجارت اور سرمایہ کاری کے منصوبوں کو تقویت دینے کے حوالے سے بات چیت ہوئی۔
امیر قطر کی پاکستان میں سرمایہ کاری، عوام کی ترقی اور خوشحالی کے منصوبوں میں گہری دلچسپی اور تعاون کا خیرمقدم کرتے ہیں۔وزیراعظم کی امیر قطر سے ملاقات میں دوطرفہ تعلقات، تجارت اور سرمایہ کاری کے منصوبوں کو تقویت دینے کے حوالے سے بات چیت ہوئی۔
— Dr. Firdous Ashiq Awan (@Dr_FirdousAwan) February 27, 2020
ڈاکٹر فردوس عاشق اعوان کے مطابق قطر پاکستان کے مختلف شعبوں میں بھاری سرمایہ کاری کرے گا۔ ٹورازم سیکٹر میں سرمایہ کاری سے پاکستان میں سیاحت کو فروغ حاصل ہوگا۔ملاقات میں فیفا ورلڈ کپ 2022 کے حوالے سے پاکستانی کمپنیوں کیلئے تجارتی مواقعوں پر گفتگو ہوئی۔
قطر پاکستان کے مختلف شعبوں میں بھاری سرمایہ کاری کرے گا۔ ٹورازم سیکٹر میں سرمایہ کاری سے پاکستان میں سیاحت کو فروغ حاصل ہوگا۔ملاقات میں فیفا ورلڈ کپ 2022 کے حوالے سے پاکستانی کمپنیوں کیلئے تجارتی مواقعوں پر گفتگو ہوئی۔
— Dr. Firdous Ashiq Awan (@Dr_FirdousAwan) February 27, 2020
فردوس عاشق اعوان نے بتایا کہ وزیراعظم نے امیر قطر کو بھارت میں مسلمانوں پر ہونے والے تشدد، مقبوضہ جموں کشمیر کی سنگین صورتحال اور انسانی حقوق کی پامالیوں سے آگاہ کیا۔دونوں رہنماؤں نے خطے میں امن کے فروغ کیلئے مل کر کام کرنے کے عزم کا اظہار کیا۔
وزیراعظم نے امیر قطر کو بھارت میں مسلمانوں پر ہونے والے تشدد، مقبوضہ جموں کشمیر کی سنگین صورتحال اور انسانی حقوق کی پامالیوں سے آگاہ کیا۔دونوں رہنماؤں نے خطے میں امن کے فروغ کیلئے مل کر کام کرنے کے عزم کا اظہار کیا۔
— Dr. Firdous Ashiq Awan (@Dr_FirdousAwan) February 27, 2020
یاد رہے کہ اس سے قبل وزیر اعظم عمران خان ایک روزہ سرکاری دورے پر قطر پہنچ گئے جہاں انہوں نے امیرِ قطر سمیت قطری قیادت سے اہم ملاقاتیں کیں۔
وزیر اعظم عمران خان کا دوحہ ائیرپورٹ پر قطری وزیر توانائی سعد شیردہ الکعبی نے استقبال کیا۔ دورۂ قطر کے دوران وزیر اعظم کی توجہ پاک قطر دو طرفہ تعلقات کو وسعت دینے پر مرکوز رہی۔
مزید پڑھیں: وزیر اعظم 1 روزہ سرکاری دورے کے لیے قطر پہنچ گئے
