گوگل نیوز پر ہمیں فالو کریںمسلم لیگ (ن) کے مرکزی رہنما و سابق وفاقی وزیر خواجہ سعد رفیق نے کہا ہے کہ سانحہ پی آئی سی نے اخلاقی و انتظامی گراوٹ کے بد ترین ریکارڈ قائم کیے ہیں۔
سماجی رابطے کی ویب سائٹ ٹوئٹر پر اپنے بیان میں خواجہ سعد رفیق نے کہا کہ دشمن ممالک حالتِ جنگ میں بھی ہسپتالوں پر حملہ نہیں کرتے، بے گناہ مریضوں کا ناحق خون کس کے سر جاتا ہے؟ ہسپتال کی قیمتی سرکاری مشینری کو تباہ کرنا کیا تخریب کاری نہیں؟
سانحۂِ پی آٸ سی نے اخلاقی اور انتظامی گراوٹ کے بد ترین ریکارڈ قائم کیے ھیں
دشمن ممالک حالت جنگ میں بھی ھسپتالوں پر حملہ نہیں کرتے
بے گناہ مریضوں کا خون ِ ناحق کس کے سر ھے ؟
ھسپتال کی قیمتی سرکاری مشینری تباہ کرنا کیا تخریب کاری نہیں ؟؟#TeamKhawaja
— Khawaja Saad Rafique (@KhSaad_Rafique) December 12, 2019
سابق وفاقی وزیر خواجہ سعد رفیق نے کہا کہ سیاسی اختلاف سے بالا ہو کر کر صوبائی وزیر فیاض چوہان پر تشدد اور یاسمین راشد سے بدسلوکی کی شدید مذمت کرتا ہوں، دلی دکھ ہوا۔
سیاسی اختلاف سے بالا ھو کر فیاض چوھان صاحب پر تشدد اور یاسمین راشد صاحبہ سے بدسلوکی کی شدید مذمت کرتے ھیں ، دلی دکھ ھوا #TeamKhawaja
— Khawaja Saad Rafique (@KhSaad_Rafique) December 12, 2019
خواجہ سعد رفیق نے کہا کہ متشدد وکلاء ہوں یا جھگڑالو ڈاکٹر ، سب کو قانون کا سامنا کرنا چاہئے ۔ جتھوں اور گھیراؤ کی سیاست نے ریاست کا استحکام اور سلامتی داؤ پر لگا دی ہے۔
متشدد وکلا ھوں یا جھگڑالو ڈاکٹر سبھوں کو قانون کا سامنا کرنا چاھئیے
جتھوں اور گھیراؤ کی سیاست نے ریاست کا استحکام اور سلامتی داؤ پر لگا دیا ھے#TeamKhawaja
— Khawaja Saad Rafique (@KhSaad_Rafique) December 12, 2019
یاد رہے کہ اس سے قبل مسلم لیگ(ن) کے مرکزی رہنما خواجہ سعد رفیق نے کہا کہ اگر خدانخواستہ نواز شریف کو کچھ ہوگیا تو یہ بھٹو کے بعد پاکستان کو دوسرا گھاؤ ہوگا جو پھر مندمل نہیں ہوگا ،جو شخص اپنی بیوی کو بستر مرگ پر چھوڑ کر سزا کاٹنے پاکستان آیا آپ اس سے شورٹی بانڈز مانگ رہے ہو؟
احتساب عدالت میں پیشی کے موقع پر13 نومبر کو میڈیا سے گفتگو کرتے ہوئے خواجہ سعد رفیق نے کہا کہ احتساب عدالت اوپن کورٹ ہے لیکن پولیس عدالتوں کو تالے لگا رہی ہے ،رپولیس نے منتخب اراکین اسمبلی کے ساتھ ناروا سلوک کیا اور انہیں دھکے دئیے ،ہمارے اراکین اسمبلی نے فیصلہ کیا ہے کہ وہ تحریک استحقاق پیش کریں گے۔
مزید پڑھیں: نواز شریف کو کچھ ہوا تو پاکستان کو دوسرا گھاؤ ہوگا۔ سعد رفیق
