ویڈیو بیان جاری، خرم لغاری کا تحریکِ انصاف چھوڑنے کے اعلان سے یوٹرن

لاہور: پی ٹی آئی کے رکنِ پنجاب اسمبلی نے ویڈیو بیان جاری کردیا، خرم لغاری نے تحریکِ انصاف چھوڑنے کے اعلان سے یو ٹرن لے لیا ہے۔

تفصیلات کے مطابق پی ٹی آئی چھوڑنے کا اعلان کرنے والے رکنِ صوبائی اسمبلی نے ویڈیو بیان جاری کرتے ہوئے کہا کہ میرا قافلہ لانگ مارچ میں شرکت کیلئے رواں دواں ہے۔

یہ بھی پڑھیں:

سائفر آڈیو انکوائری، شاہ محمود قریشی ایف آئی اے میں طلب 

گزشتہ روز جاری کردہ ویڈیو بیان میں خرم لغاری نے کہا کہ ہم مونس الٰہی کی قیادت میں عمران خان کے حقیقی آزادی لانگ مارچ میں شرکت کیلئے جارہے ہیں۔ ہم عمران خان اور وزیر اعلیٰ کے ساتھ کھڑے ہیں۔

عمران خان کا بیانیہ ملک و قوم کا بیانیہ بن چکا ہے، سیدھے راستے سے کوئی ہٹنا چاہتا ہے نہ ہٹایا جاسکتا ہے، خرم لغاری کے اس بیان سے تمام افواہیں دم توڑ گئی ہیں، ثابت ہوا کہ وہ نظریے کے ساتھ کھڑے ہیں۔#حقیقی_آزادی_لانگ_مارچ pic.twitter.com/imjNoNCCfJ

— Umer Tanveer (@umertanveerPTI) October 28, 2022

ویڈیو بیان میں خرم لغاری نے کہا کہ ہم چیئرمین پی ٹی آئی اور وزیر اعلیٰ پرویز الٰہی کے ساتھ کھڑے ہیں اور کھڑے رہیں گے۔ خرم لغاری نے گزشتہ روز صبح کے وقت پی ٹی آئی چھوڑنے کا اعلان کیا تھا۔

اپنے اعلان سے مکر جانے والے رکنِ پنجاب اسمبلی نے دعویٰ کیا تھا کہ تحریکِ انصاف کے دیگر 4 اراکینِ اسمبلی بھی ان کے ہمراہ پارٹی چھوڑنے والے ہیں، تاہم رات کے وقت ہی خرم لغاری ویڈیو بیان جاری کرکے سابقہ بیان سے منحرف ہوگئے۔

خرم لغاری کے یو ٹرن پر ردِ عمل دیتے ہوئے رکنِ پنجاب اسمبلی عمر تنویر کا کہنا ہے کہ عمران خان کا بیانیہ ملک و قوم کا بیانیہ بن چکا ہے۔ سیدھے راستے سے کوئی ہٹنا چاہتاہے، نہ ہی ہٹایا جاسکتا ہے۔

رکنِ اسمبلی عمر تنویر نے مزید کہا کہ خرم لغاری کے بیان سے تمام افواہیں دم توڑ گئی ہیں، ثابت ہوا کہ وہ عمران خان کے نظرئیے کے ساتھ کھڑے ہیں۔