کورونا کی صورتحال مزید خراب ہوئی تو ذمہ دار اپوزیشن جماعتیں ہونگی، خرم شیر زمان

کراچی: پاکستان تحریک انصاف کراچی کے صدر خرم شیر زمان نے کہا ہےکہ کیسز بڑھ رہے ہیں اور اپوزیشن جماعتیں جلسوں پر زور دے رہی ہیں،اب اگر صورتحال خراب ہوئی تو ذمہ دار اپوزیشن جماعتیں ہونگی۔

کورونا کیسز میں اضافے اور اپوزیشن کے جلسوں کے حوالے سے اپنے ایک خصوصی بیان میں پی ٹی آئی کراچی کے صدر خرم شیر زمان نے کہا ہے کہ گلگت بلتستان کا الیکشن تھا سب جماعتوں نے اپنی مہم چلائی تاہم اب کورونا کے خطرے کے باوجود اپوزیشن جلسوں پر بضد ہے۔

وفاقی حکومت نے کورونا کے خطرے سے آگاہ کردیا ہے، اب اگر صورتحال خراب ہوئی تو ذمہ دار اپوزیشن جماعتیں ہونگی۔

کیسز بڑھ رہے ہیں اور اپوزیشن جماعتیں جلسوں پر زور دے رہے ہیں، پی ڈی ایم کی قیادت کے لیے شرم کا مقام ہے، اپوزیشن جماعتیں اپنی سیاست میں عوام کو مارنے کی پلاننگ کررہی ہیں۔

اگر کورونا کے کیسز بڑھے تو ذمہ دار یہ دو جماعتیں ہونگی، کیا بھول گئے ایک صوبے کے وزیراعلیٰ ہاتھ جوڑ کر کہتے تھے گھروں سے نہ نکلیں ماسک پہنیں، عوام بھی دیکھے کہ کون سی جماعتیں ہیں جو ملک اور قوم کو نقصان پہنچا رہی ہیں۔

مزید پڑھیں:عوام کیلئے خوشخبری،پاکستانی ماہرین کاکورونا ویکسین کا کامیاب تجربہ ، مریض ٹھیک ہونے لگے

خرم شیر زمان نے کہا ہے کہ پاکستان اب ترقی کی راہوں پر نکل چکا ہے، پوری قوم وزیراعظم عمران خان کے ساتھ کھڑی ہے۔