گوگل نیوز پر ہمیں فالو کریںمظفر آباد: توہین عدالت کیس میں سردار تنویرالیاس کی نا اہلی کے بعد سینئر وزیر خواجہ فاروق احمد کو نئے قائد ایوان کے انتخاب تک وزیر اعظم کے اختیارات مل گئے۔
آزاد کشمیر کے صدر بیرسٹرسلطان محمود چوہدری نے نئے قائد ایوان کے انتخاب تک سینئر وزیرکو وزیراعظم کے اختیار دینے کیلئے سمری پر دستخط کئے۔
بعدازاں چیف سیکرٹری آزاد جموں و کشمیر کے دستخطوں سے نوٹیفکیشن جاری کر دیا گیا جس کے مطابق خواجہ فاروق نئے وزیراعظم کے انتخاب تک فرائض سر انجام دیں گے۔
وزیر اعظم کی نااہلی کی صورتحال پیدا ہوئی تو ہم بھی تیار ہیں، وزیر داخلہ
خیال رہے کہ گزشتہ روزہائی کورٹ نے آزاد کشمیر کے وزیراعظم سردار تنویرالیاس کو عدالت برخاست ہونے تک سزا سنائی اور انہیں کسی بھی پبلک عہدے کے لیے نااہل قرار دیا جبکہ ان کی غیر مشروط معافی کی درخواست بھی مسترد کر دی گئی تھی۔
سردار تنویر الیاس حلقہ ایل اے 15 باغ سے الیکشن جیت کر اسمبلی میں آئے تھے، وہ 27 جولائی 2021 کو اسمبلی رکن منتخب ہوئے اور 18 اپریل 2022 کو انہوں نے وزیراعظم کے عہدے کا حلف اٹھایا تھا۔
