کے ڈی اے کی آمدن بند، گرانٹ کم، پہلے چھوٹے ملازمین کو تنخواہ دی جائے، نوید انور صدیقی

کراچی : کے ڈی اے ایمپلائز یونین کے سرپرست اعلیٰ نوید انور صدیقی نے کہا ہے کہ ادارے کی آمدنی بند ہے اور حکومتی گرانٹ صرف 20 کروڑ ملی ،تنخواہوں کے اخراجات 30 کروڑ ماہانہ ہیں اس لیے پہلے گریڈ ایک سے 15 تک کے ملازمین کو تنخواہ اور پنشن ادا کی جائے۔

اس موقع پر ایمپلائز یونین کے صدر ندیم کھوکھر، جنرل سیکرٹری دلاور خان اور ترجمان محمد عبدالمعرؤف نے ممبر فنانس قاضی عبد القادر اور ڈایکٹر فنانس عطا عباس سے یہ مطالبہ کیا ہے کہ سب سے پہلے گریڈ ایک سے 15تک کے ملازمین کی تنخواہیں دی جائیں پھر کنٹریکٹ ملازمین کی تنخواہیں دی جائیں اس کے بعد چھوٹے گریڈ کے پنشنرز کو پنشن دی جائے اور ورک چارج ملازمین کو کم از کم ایک ماہ کی تنخواہ دی جائے ۔

پہلے ان لوگوں کو ترجیجی دی جائیں کیونکہ ان ملازمین کی تنخواہیں، پنشن بہت کم ہے اس کے بعد افسران کی تنخواہ اور ریٹائرڈ افسران کی پنشن کا بندوبست کیا جائے اور ان کی تنخواہیں بھی جلد از جلد ادا کر دی جائے۔

مزید پڑھیں: کے ڈی اے وزیر بلدیات ناصر حسین شاہ کی انوکھی فرمائش سے پریشان

لاک ڈاؤن کی وجہ سے سب پریشانی کا شکار ہیں ایمپلائز یونین ڈائریکٹر جنرل کے ڈی اے ڈاکٹر سید سیف الرحمن سے یہ گذارش کرتی ہے کہ آپ اپنا اثر و رسوخ استعمال کرتے ہوئے باقی کے پندرہ کروڑ کا بندوبست کریں تاکہ افسران کی تنخواہ اور ریٹائرڈ افسران کی پینشن ادا ہوسکے ۔