گوگل نیوز پر ہمیں فالو کریںاسلام آباد: وزیر اعظم عمران خان نے کہا ہے کہ ہم بین الاقوامی برادری کی توجہ کشمیریوں کے ساتھ روا رکھے گئے جبر و استبداد کی طرف مبذول کروانا چاہتے ہیں۔ کشمیریوں کے بنیادی حقوق سلب کر لیے گئے ہیں۔
مذہبی تعصب کی بنیاد پر تشدد کا شکار افراد کے پہلے عالمی دن کے موقعے پرسماجی رابطے کی ویب سائٹ ٹوئٹر پر اپنے پیغام میں وزیر اعظم نے کہا کہ کشمیریوں کو توہین اور تشدد کا سامنا ہے اور انہیں انسانی حقوق کے حوالے سے ہر قسم کی آزادی سے محروم کردیا گیا ہے۔
یہ بھی پڑھیں:اب بھارت سے مزید مذاکرات کی بات نہیں کریں گے، اس کا فائدہ نہیں۔ وزیر اعظم عمران خان
انہوں نے کہا کہ قابض بھارتی فوج کشمیریوں سے عید کی خوشیاں اور مذہبی شعائر کے اہتمام کا حق بھی چھین چکی ہیں۔ آج جب دنیا مذہبی عقائد کی بناء پر تشدد کا نشانہ بننے والوں سے اظہار یکجہتی کرنے جارہی ہے، اسے مقبوضہ کشمیر میں عنقریب ہونے والے قتل عام کا رستہ روکنے کیلئے بھی متحرک ہونا ہوگا۔
یہاں تک کہ قابض بھارتی افواج ان سے عید الاضحیٰ سمیت دیگر مذہبی شعائر کے اہتمام کا حق بھی چھین چکی ہیں۔ آج جب دنیا مذہبی عقائد کی بناء پر تشدد کا نشانہ بننے والوں سے اظہار یکجہتی کرنے جارہی ہے، اسے مقبوضہ کشمیر میں عنقریب ہونے والے قتل عام کا رستہ روکنے کیلئے بھی متحرک ہونا ہوگا۔
— Imran Khan (@ImranKhanPTI) August 22, 2019
یاد رہے کہ بھارتی حکومت نے کشمیریوں کے حق میں آواز بلند کرنے پر سابق وزیر داخلہ چدم برم کو بدعنوانی کا مقدمہ بنا کر گرفتار کر لیا ہے۔ کشمیر کی خصوصی آئینی حیثیت ختم کرکے اسے بھارتی وفاق کا حصہ بنانے کے خلاف سب سے اہم آواز بلند کرنے والے 73 سالہ چدم برم کی گرفتاری کو بھارت میں بھی انتقامی کارروائی قرار دیا جارہا ہے۔
مزید پڑھیں: بھارت میں کشمیریوں کے لیے آواز بلند کرنے پر سابق وزیر داخلہ گرفتار
