گوگل نیوز پر ہمیں فالو کریںکراچی: پاکستان پیپلز پارٹی نے سانحۂ کارساز کے 15 برس کی تکمیل پر شہدائے کارساز کو خراجِ تحسین پیش کیا ہے۔
تفصیلات کے مطابق آج سے 15 برس قبل 18 اکتوبر 2007ء کے روز سابق وزیر اعظم محترمہ بے نظیر بھٹو کے استقبال کیلئے پیپلز پارٹی کارکنان نے ملک بھر سے کراچی کا رخ کر لیا۔
پی پی پی کارکنان اور قائدین محترمہ بے نظیر بھٹو کے ہمراہ ریلی کی صورت میں جارہے تھے کہ دہشت گردوں نے حملہ کردیا۔ خوفناک واردات کے نتیجے میں 180 سے زائد افراد جاں بحق ہوئے۔
آدھی رات کے قریب شاہراہِ فیصل کے علاقے کارساز پر پہنچنے والے پی پی پی جیالوں کے قافلے کو دہشت گردوں نے حملے کا نشانہ بنایا۔ 2 زوردار دھماکوں کے باعث درجنوں کارکنان جاں بحق اور 450زخمی ہوئے۔
سماجی رابطے کی ویب سائٹ ٹوئٹر پر وزیرِ موسمیاتی تبدیلی و پیپلز پارٹی سینیٹر شیری رحمان نے سانحۂ کارساز کے شہداء اور زخمیوں کو سلام پیش کرتے ہوئے کہا کہ سانحہ کارساز کو 15 سال ہو گئے لیکن حملے کے ہمارے دلوں پر زخم آج بھی تازہ ہیں۔
سانحہ کارساز کے شہداء اور زخمیوں کو سرخ سلام پیش کرتی ہوں۔ سانحہ کارساز کو آج 15 سال ہو گئے ہیں لیکن اس حملے کے ہماری دلوں پر زخم آج بھی تازہ ہیں، کارساز پاکستان کی تاریخ میں کسی بھی سیاسی جماعت پر سب سے بڑا حملہ ہے۔ 1/3#SalamShuhdaKarsaz #SalamBenazir pic.twitter.com/kWP7yYl4hG
— SenatorSherryRehman (@sherryrehman) October 18, 2022
وفاقی وزیر شیری رحمان نے کہا کہ کارساز پاکستان کی تاریخ میں کسی بھی سیاسی جماعت پر سب سے بڑا حملہ تھا جس میں پیپلز پارٹی کے 180 سے زائد کارکنان شہید اور سیکڑوں زخمی ہوئے۔ 18 اکتوبر کو شہید بے نظیر بھٹو نہیں، ملک میں جمہوریت لوٹ آئی تھی۔
کارساز حملے میں پیپلز پارٹی کے 180 سے زائد کارکنان شہید اور سینکڑوں زخمی ہوئے۔ 18 اکتوبر کو شہید بینظیر بھٹو نہیں ملک میں جمہوریت لوٹ آئی تھی۔ لاکھوں کی تعداد میں لوگ اپنی محبوب قائد کا استقبال کیلئے کراچی کی چھوٹی بڑی شاہراہوں پر کھڑے تھے۔ 2/3#SalamShuhadaKarsaz pic.twitter.com/VVAjLOKOyT
— SenatorSherryRehman (@sherryrehman) October 18, 2022
وزیرِ موسمیاتی تبدیلی شیری رحمان نے کہا کہ لاکھوں کی تعداد میں لوگ اپنی محبوب قائد کا استقبال کرنے کیلئے کراچی کی چھوٹی بڑی شاہراہوں پر کھڑے تھے۔ پیپلز پارٹی نے جمہوریت و آئین کی بحالی کیلئے سب سے زیادہ قربانیاں دی ہیں۔
پیپلز پارٹی کے قائدین اور کارکنان نے جمہوریت اور آئین کی بحالی کے خاطر سب سے زیادہ قربانیاں دی ہیں۔ پاکستان کی سیاسی اور جمہوری تاریخ میں پیپلز پارٹی کے جان نثاران کی بہادری کی داستان سنہری الفاظ میں لکھی جائے گی۔ 3/3#SalamShuhdaKarsaz #SalamBenazir pic.twitter.com/bFXTFPwgYs
— SenatorSherryRehman (@sherryrehman) October 18, 2022
شیری رحمان نے کہا کہ پاکستان کی سیاسی و جمہوری تاریخ میں پیپلز پارٹی کے جاں نثاران کی بہادری کی داستان سنہری الفاظ میں لکھی جائے گی۔
