گوگل نیوز پر ہمیں فالو کریںبالی ووڈ کے معروف پروڈیوسر اور ہدایت کار کرن جوہر نے مائیکروبلاگنگ ویب سائٹ ٹوئٹر کو خیرباد کہہ دیا۔
حال ہی میں یہ خبر سامنے آئی ہے کہ معروف فلمساز نے ٹوئٹراکاؤنٹ ختم کردیا، انہوں نے کہا کہ انھیں بہت سے مثبت کام کرنے ہیں جس کی وجہ سے وہ ٹوئٹر کو خیرباد کہہ رہے ہیں۔
واضح رہے کہ کرن جوہر پہلی شخصیت نہیں جنہوں نے ٹوئٹر اکاؤنٹ بند کرنے کا اعلان کیا ہو، اس سے قبل سلمان خان کی پروڈکشن ’نوٹ بک‘ سے اپنا ڈیبیو کرنے والے ظہیر اقبال نے انسٹاگرام پرایک پوسٹ شیئر کرتے ہوئے کہا تھا کہ وہ اپنا ٹوئٹر اکاؤنٹ بند کررہے ہیں۔
انہوں نے اپنی آخری ٹوئٹ میں کہا تھا کہ گڈ بائی ٹوئٹر، یہی نہیں بلکہ سلمان خان کے بہنوئی اداکار آیوش شرماء نے بھی اپنا ٹوئٹر اکاؤنٹ ختم کردیا تھا۔
دوسری جانب کرن جوہر کی سب سے بڑی حریف کنگنا رناوت کا اکاؤنٹ مائیکروبلاگنگ ویب سائٹ ٹوئٹر نے خود بلاک کیاتھا، جس کی وجہ یہ سامنے آئی تھی کہ انہوں نے ضابطہ اخلاق کی خلاف ورزی کی تھی۔
