گوگل نیوز پر ہمیں فالو کریںپاکستان کے معاشی مرکز کراچی میں بارشوں کے بدترین صورتحال کا سامنا ہے ، کراچی میں گزشتہ 3 روز سے جاری بارش نے شہر میں سیلاب کی کیفیت پیدا کردی ہے اور اگر بارش جاری رہی تو کراچی کے کم از کم پانچ لاکھ افراد بے گھر ہوسکتے ہیں۔
مون سون بارشوں کے تین دن میں کم از کم 90 افراد ہلاک اور پاکستان بھر میں ایک ہزار کے قریب مکانات کو نقصان پہنچا ہے۔
کراچی میں بارش کی وجہ سے ڈیفنس فیز 2 میں بدترین ٹریفک جام رہا۔
کراچی میں مون سون سیزن کے دوران امدادی کارکن بارش کے پانی اور رکاوٹوں میں پھنسے شہریوں کی مدد کررہے ہیں۔
فائیو اسٹار چورنگی سے ناگن چورنگی اور نارتھ ناظم آباد تک پانی بھرا ہوا ہے۔
بارش کے بعد کراچی کے مختلف علاقوں میں ٹریفک جام رہا اورشہر کے کچھ علاقوں میں پانی گھروں میں بھی داخل ہوگیا۔
این ڈی ایم اے کی جانب سے شہر میں برساتی نالوں کی صفائی کے باوجود حالیہ بارش میں شہریوں کو مشکلات کا سامنا کرنا پڑا۔
بارش نے کراچی میں شدید تباہی مچائی، ایک ضعیف العمر شخص پانی میں ڈوبے کیبن کے قریب کھڑا مدد کا منتظر ہے۔
بارش کے پانی میں گاڑی بند ہونے کی وجہ سے خواتین دھکا لگاکر گاڑی کو سڑک کے کنارے پر لیجارہی ہیں۔
نارتھ ناظم آباد کے علاقے میں شہری بارش کے پانی میں ڈوبے ہوئے ہیں۔
کھارادر میں بچے بارش اور سیوریج کے پانی میں نہارہے ہیں۔
کراچی میں بارش کے بعد سڑکیں زیر آب آنے کے بعد پبلک ٹرانسپورٹ بند ہونے کی وجہ سے شہریوں کو دوہری مشکل کا سامنا کرنا پڑا۔
