کراچی میں عمارت سے گر کر نوجوان کی ہلاکت کا معاملہ، تمام لڑکے نشے میں تھے، پولیس

کراچی: پولیس کا کہنا ہے کہ دو دریا کے قریب عمارت کی 17 ویں منزل سے گر کر نوجوان کی ہلاکت کے وقت فلیٹ میں موجود تمام لڑکے نشے کی حالت میں تھے۔

تفصیلات کے مطابق ایس ایس پی انویسٹی گیشن کا کہنا ہے کہ پولیس نے نوجوان کی ہلاکت کی ابتدائی تفتیشی رپورٹ مکمل کرلی، نوجوان کی ہلاکت کا واقعہ قتل نہیں بلکہ حادثہ ہے۔

ایس ایس پی انویسٹی گیشن نے بتایا کہ گرفتار تمام ملزمان کے بیانات میں کوئی تضاد نہیں ہے، فلیٹ سے چرس اور آئس بھی ملی ہے اور تمام لڑکے نشے میں تھے۔

یہ بھی پڑھیں:

تھائی لینڈ، نائٹ کلب میں آتشزدگی سے 13 افراد ہلاک، 41 زخمی

ایس ایس پی انویسٹی گیشن کا مزید کہنا تھا کہ مقدمے میں قتل کی دفعہ مجسٹریٹ کے کہنے پر شامل کی تھی لیکن حتمی چالان میں میڈیکل رپورٹس کے تحت دفعات لگائی جائیں گی۔

واضح رہے کہ گزشتہ ماہ 31 جولائی کو دو دریا کے قریب عمارت سے گر کر عادل مسعود کی ہلاکت کا واقعہ پیش آیا تھا۔

اس واقعے کا مقدمہ اگست کے شروع میں نوجوان کی مدعیت میں درج کیا گیا تھا۔