گوگل نیوز پر ہمیں فالو کریںکراچی: شہر قائد میں منگل کو بھی ہلکی سے درمیانی بارش ہونے سے موسم خوشگوار ہوگیا،شہر کے مختلف علاقوں میں اب بھی بادل موجود ہیں۔
شہر کے مختلف علاقوں محمود آباد، اختر کالونی، گلشن اقبال، کارساز، شاہراہ فیصل، یونیورسٹی روڈ، صفورا چورنگی، لانڈھی، مرتضیٰ چورنگی، صدر، کلفٹن، ملیر اور ملحقہ علاقوں میں بارش ہوئی جس سے درجہ حرارت میں کمی آئی ہے۔
چیف میٹرولوجسٹ سردار سرفراز نے کہا ہے کہ آج دن کے اوقات میں بارش کا امکان ہے۔بارشوں کا جاری مون سون کا سلسلہ وقفے کے ساتھ کل تک جاری رہے گا۔
کراچی میں زیادہ سے زیادہ درجہ حرارت 32 سے 34 ڈگری سینٹی گریڈ رہنے کا امکان ہے اور نمی کا تناسب 75 فیصد ہے۔ موسم کی رپورٹ کے مطابق مغربی ہوائیں 10 کلومیٹر فی گھنٹہ کی رفتار سے چل رہی ہیں۔
چیف میٹرولوجسٹ کا کہنا تھا کہ بحیرہ عرب میں کم دباؤ کی وجہ سے سمندری ہواؤں کی رفتار کم ہے۔ انہوں نے مزید کہا کہ سمندری ہوائیں کل شام یا رات تک بحال ہوسکتی ہیں۔
