گوگل نیوز پر ہمیں فالو کریںبالی ووڈ اداکارہ اور بی جے پی کی رکن پارلیمنٹ کنگنا رناوت نے حال ہی میں کپور خاندان کی بھارتی وزیراعظم نریندر مودی سے ملاقات پر تبصرہ کیا، جس میں انہوں نے وزیراعظم کو راج کپور فلم فیسٹیول میں شرکت کی دعوت دی۔ یہ فیسٹیول معروف اداکار راج کپور کی 100 ویں سالگرہ کے موقع پر منعقد کیا جا رہا ہے۔
کنگنا نے اس اقدام کی تعریف کی اور فلمی صنعت میں وزیراعظم مودی کی شمولیت کو ایک اہم قدم قرار دیا۔ انہوں نے فلم انڈسٹری کو درپیش چیلنجز پر روشنی ڈالی اور کہا کہ اس انڈسٹری کو سمت اور رہنمائی کی ضرورت ہے۔
ایک انٹرویو کے دوران جب کنگنا سے کپور خاندان کی ملاقات کے بارے میں سوال کیا گیا، تو انہوں نے کہا، “مجھے لگتا ہے کہ ہماری فلم انڈسٹری کو رہنمائی کی ضرورت ہے۔ یہ ایک طاقت ہے جو پوری طرح استعمال نہیں کی جا رہی۔ چاہے وہ وزیراعظم مودی ہوں، دیگر لیڈرز یا وزارت اطلاعات و نشریات، میں اس انڈسٹری کا 20 سال سے حصہ ہوں، اور یہ انڈسٹری بالکل بے یار و مددگار محسوس ہوتی ہے۔”
اسی لئے شادی نہیں کرتیں! ریکھا لیسبین نکلیں، کونسی خاتون کیساتھ جنسی تعلقات؟ اہم انکشافات
انہوں نے مزید کہا کہ فلم انڈسٹری اکثر خطرات کا شکار رہتی ہے اور لوگ ایسی سرگرمیوں میں ملوث ہو جاتے ہیں جو ان کی ساکھ کو نقصان پہنچاتی ہیں۔ کنگنا نے کہا، “انہیں کوئی بھی پیسے دے کر کسی بھی چیز کے لیے راضی کر لیتا ہے، چاہے وہ گینگسٹرز کی پارٹیاں ہوں یا دیگر غیر قانونی سرگرمیاں۔ بہت سے لوگ حوالہ یا منشیات کے معاملات میں پھنس جاتے ہیں۔”
کنگنا نے کپور خاندان کی کاوشوں کو بھی سراہا اور کہا کہ یہ فلمی صنعت کو مرکزی دھارے میں لانے کا ایک بہترین قدم ہے۔ انہوں نے مزید کہا، “ہم فلموں سے بہت زیادہ ریونیو پیدا کرتے ہیں، لیکن ہمیں دیگر صنعتوں جیسی پہچان نہیں ملتی۔ میں نے وزیراعظم مودی سے ملاقات کی درخواست کی ہے اور امید ہے کہ وہ مجھے بھی کبھی مدعو کریں گے۔”
کپور خاندان نے 10 دسمبر کو وزیراعظم مودی سے ملاقات کی اور انہیں راج کپور فلم فیسٹیول میں شرکت کی دعوت دی۔ اس ملاقات میں رنبیر کپور، عالیہ بھٹ، کرینہ کپور، سیف علی خان، نیتو کپور، اور ردھیما سہنی موجود تھے۔
