گوگل نیوز پر ہمیں فالو کریںاسلام آباد: وزیر اعظم کے معاونِ خصوصی برائے امورِ جوانان عثمان ڈار نے کامیاب جوان اسپورٹس پروگرام کا ترانہ ریلیز کردیا ہے۔
سماجی رابطے کی ویب سائٹ ٹوئٹر پر اپنے پیغام میں سربراہ کامیاب جوان پروگرام عثمان ڈار نے کہا کہ ہم نے گلی محلوں میں حکومتی سرپرستی نہ ہونے کے باعث ضائع ہونے والے ٹیلنٹ اور گمنام سپر ہیرز کے لیے ترانہ جاری کیا ہے۔
وزیر خارجہ برسلز کے 3روزہ سرکاری دورے کیلئے روانہ
لانگ مارچ اور استعفوں کا فیصلہ، پی ڈی ایم کا اہم اجلاس آج ہوگا
ٹوئٹر پیغام میں عثمان ڈار نے وزیر اعظم کے کامیاب جوان اسپورٹس پروگرام اور نوجوانوں کیلئے تیار کیے گئے خصوصی ترانے کی ویڈیو ریلیز کی جس میں گلی محلوں میں کرکٹ، فٹبال اور ٹینس کھیلنے والے بچوں کو دکھایا گیا ہے۔
گلی سے گراونڈ تک ۔۔۔ فائنل راونڈ تک!
گلی محلوں میں حکومتی سرپرستی نہ ہونے کے باعث ضائع ہونے والے ٹیلنٹ اور گمنام سپر ہیروز کے نام!وزیراعظم کی اسپورٹس ڈرائیو کی لانچنگ اور نوجوانوں کیلئے تیار کیا گیا خصوصی ترانہ!#KJSportsDrive pic.twitter.com/513wZQcnrr
— Usman Dar (@UdarOfficial) December 6, 2021
معاونِ خصوصی عثمان ڈار کی جاری کردہ ویڈیو میں پاکستان میں لیبر قوانین کے نفاذ کو بھی تنقید کا نشانہ بنایا گیا ہے۔ گلی محلوں میں کھیلنے والے بچوں کو گھر چلانے کیلئے سخت محنت مزدوری سے گزرنا پڑتا ہے۔
کم وبیش 2 منٹ 20 سیکنڈ پر محیط ویڈیو میں معاونِ خصوصی عثمان ڈار بھی اداکاری کے جوہر دکھاتے نظر آئے اور گلی محلوں میں کھیلنے والے بچوں کی بھرپور حوصلہ افزائی کی جس کا مقصد کامیاب جوان اسپورٹس پروگرام کا فروغ ہے۔
