گوگل نیوز پر ہمیں فالو کریںامریکی نائب صدر کملا ہیرس نے اسرائیلی وزیر اعظم بینجمن نیتن یاہو سے مطالبہ کیا ہے کہ غزہ میں جنگ بندی کے معاہدے تک پہنچنے میں مدد کریں جس سے فلسطینی شہریوں کے مصائب کو کم کیا جائے۔
نیتن یاہو کے ساتھ آمنے سامنے بات چیت کے بعد کملا ہیریس نے ایک ٹیلیویژن بیان میں کہا، ’’یہ جنگ ختم ہونے کا وقت ہے۔‘‘
اتوار کے روز بائیڈن کے انتخابی دوڑ سے دستبردار ہونے کے بعد ممکنہ ڈیموکریٹک صدارتی امیدوار کملا ہیرس نے اسرائیل اور حماس کے عسکریت پسندوں کے درمیان جنگ کے بعد غزہ میں جاری انسانی بحران پر کھل کر بات چیت کی۔
انہوں نے کہا کہ “ہم خود کو بے حس ہونے کی اجازت نہیں دے سکتے اور میں خاموش نہیں رہوں گی۔”ہیریس کے تبصرے لہجے میں تیز اور سنجیدہ تھے اور انہوں نے کہا کہ وہ 5 نومبر کو صدر منتخب ہونے کی صورت میں نیتن یاہو کے ساتھ نمٹنے میں زیادہ جارحانہ ہوں گی۔
دوسری جانب تجزیہ کاروں کو توقع نہیں ہے کہ مشرق وسطیٰ میں قریبی اتحادی اسرائیل کے بارے میں امریکی پالیسی میں کوئی بڑی تبدیلی آئے گی۔
