گوگل نیوز پر ہمیں فالو کریںاسلام آباد: سپریم کورٹ آف پاکستان کے جج جسٹس سید منصور علی شاہ نے ہفتہ کے روز قائم مقام چیف جسٹس آف پاکستان کے طور پر حلف اٹھا لیا۔
سپریم کورٹ کی عمارت میں منعقدہ ایک سادہ مگر باوقار تقریب میں جسٹس عائشہ اے ملک نے جسٹس سید منصور علی شاہ سے حلف لیا۔ اس موقع پر سپریم کورٹ کے دیگر ججز اور سینئر وکلا بھی موجود تھے۔
موجودہ چیف جسٹس، جسٹس یحییٰ آفریدی، اس وقت حج کی ادائیگی کے لیے بیرون ملک موجود ہیں اور ان کی وطن واپسی 10 جون 2025 کو متوقع ہے، جس کے بعد وہ اپنی ذمہ داریاں دوبارہ سنبھالیں گے۔
واضح رہے کہ اس سے قبل جب جسٹس منصور علی شاہ بیرون ملک تھے تو 6 جون تک جسٹس منیب اختر نے قائم مقام چیف جسٹس کی ذمہ داریاں نبھائیں۔
