گوگل نیوز پر ہمیں فالو کریںاسلام آباد: جوڈیشل کمیشن اجلاس کے دوران کسی جج کی سپریم کورٹ تعیناتی کی منظوری نہ دی جاسکی، جوڈیشل کمیشن اجلاس کے دوران 5 ارکان نے تعیناتیوں کی مخالفت کی۔
چیف جسٹس آف پاکستان جسٹس عمر عطا بندیال کی زیرصدارت جوڈیشل کمیشن کے اجلاس کا انعقاد کیا گیا، جس میں چیف جسٹس کے نامزد ججز کے نام کثرت رائے سے مسترد کردیے گئے۔
ذرائع کا کہنا ہے کہ سپریم کورٹ کیلئے چیف جسٹس کی جانب سے نامزد کیے گئے 5 ججز پر جوڈیشل کمیشن کے ارکان میں اختلاف رائے سامنے آیا جس کے بعد جوڈیشل کمیشن کے ممبران میں ووٹنگ کا عمل ہوا۔
ذرائع کا کہنا ہے کہ جسٹس قاضیٰ فائز عیسیٰ، جسٹس طارق مسعود، اٹارنی جنرل، اور وزیرقانون نے مخالفت میں ووٹ دیا، سندھ کے 2 ججز سے متعلق جسٹس ریٹائرڈ سرمد جلال عثمانی نے بھی مخالفت میں ووٹ دیا۔4 کے مقابلے میں 5 ووٹ مخالفت میں آنے پر اجلاس ختم کردیا گیا۔
مزید پڑھیں:پولینڈ کے ساتھ تعلقات کو قدر کی نگاہ سے دیکھتے ہیں، سپہ سالار
