جو بائیڈن ڈونلڈ ٹرمپ کو شکست دیکر امریکا کے صدر بن گئے

نیویارک : امریکا میں صدارتی انتخاب میں ووٹوں کی گنتی مکمل ہوگئی، جو بائیڈن ڈونلڈ ٹرمپ کو شکست دیکر امریکا کے صدر بن گئے۔

امریکی میڈیاکی رپورٹس کے مطابق پنسلوینا میں کامیابی کےبعد جوبائیڈن امریکی صدر بن گئے، جو بائیڈن نے 284 الیکٹورل ووٹ حاصل کئے جبکہ اس سے قبل بائیڈن سے پیچھے ہونے کے باوجود ٹرمپ نے اپنی جیت کا اعلان کردیاتھا۔

جو بائیڈن پنسلوینیا کے20الیکٹورل ووٹ حاصل کرنے میں کامیاب ہوگئے جس کے بعد انکے مجموعی الیکٹورل ووٹس کی تعداد 284 ہوگئی۔

امریکی ٹی وی سی این این نے پنسلوینیا میں کامیابی کے بعد جو بائیڈن کو صدر ڈکلیئرکر دیا،امریکی میڈیاکادعویٰ ہے کہ پنسلوینیا میں برتری کےبعد جوبائیڈن امریکی صدرہوں گے۔