گوگل نیوز پر ہمیں فالو کریںکراچی: جماعت اسلامی نے فلسطینی عوام کے ساتھ اظہار یکجہتی کے لیے اتوار 12 جنوری کو کراچی کے سی ویو پر غزہ ملین مارچ کے انعقاد کا اعلان کیا ہے۔
یہ مارچ شام کو نشانِ پاکستان سے شروع ہوگا۔ جماعت اسلامی کراچی کے امیر منعم ظفر نے کراچی کے تمام شہریوں سے اپیل کی ہے کہ وہ اس مارچ میں شریک ہو کر غزہ کے عوام کے ساتھ یکجہتی کا مظاہرہ کریں۔
اس موقع پر تیاریوں کے دوران منعم ظفر نے غزہ میں جاری نسل کشی اور محاصرے کو اجاگر کیا اور کہا کہ اسرائیل نے بین الاقوامی قوتوں کی مدد سے غزہ کے 85 فیصد علاقے کو تباہ کر دیا ہے۔
انہوں نے کہا کہ فلسطین، جو انبیاء کی سرزمین اور مسلمانوں کے پہلے قبلے کا مقام ہے، مسلمانوں کے لیے مقدس اہمیت رکھتا ہے اور اس کی آزادی پوری امت مسلمہ کے ایمان کا حصہ ہے۔
اسی لئے تو سلنڈر پھٹتے تھے، ملک میں ملاوٹ شدہ ایل پی جی کی فروخت، اوگرا کا کریک ڈاؤن شروع
اقوام متحدہ کے مطابق اکتوبر 2023 سے اب تک غزہ میں 46,000 سے زائد فلسطینی شہید ہو چکے ہیں، جن میں اکثریت خواتین اور بچوں کی ہے۔
واضح رہے کہ مسیحیوں کے روحانی پیشوا پوپ فرانسس نے اسرائیل کی فوجی کارروائی پر اپنی تنقید میں شدت پیدا کی ہے اور غزہ میں انسانی بحران کو “بہت سنگین اور شرمناک” قرار دیا ہے۔
حالیہ خطاب میں پوپ نے شہریوں پر بمباری اور غزہ کے انفراسٹرکچر کی تباہی کی مذمت کی۔ انہوں نے اس بات پر افسوس کا اظہار کیا کہ بجلی کی عدم دستیابی اور اسپتالوں کی تباہی کے باعث بچے سردی سے مر رہے ہیں۔
یہ خطاب ویٹیکن سے منسلک 184 ممالک کے سفیروں کو دیا گیا، جس میں یوکرین کی جنگ، موسمیاتی تبدیلی اور یہود دشمنی جیسے دیگر عالمی مسائل پر بھی بات کی گئی۔
