جھانوی کپور بہن خوشی کپور کو اسکرین پر دیکھنے کیلئے پُرجوش

بالی ووڈ انڈسٹری کی خوبصورت اداکارہ جھانوی کپور اپنی بہن خوشی کپور کو بڑی اسکرین پر دیکھنے کیلئے بہت زیادہ پُرجوش ہیں۔

حال ہی میں جھانوی کپور نے اپنے انسٹاگرام اکاؤنٹ پر بہن جھانوی کپور کی فلم کی خوشی میں فلم’دی آرچیز‘ کا پوسٹر شیئر کیا ہے۔

اُنہوں نے فلم کا پوسٹر شیئر کرتے ہوئے خوشی کپور کی بالی ووڈ میں انٹری پر خوشی کا اظہار کرتے ہوئے کہا کہ وہ یہ فلم دیکھنے کے لیے بہت زیادہ پرجوش اور بے تاب ہیں۔

جھاونی کپور نے اپنی انسٹا پوسٹ میں فلم کی کاسٹ کی تعریف کرتے ہوئے کہا ہے کہ آپ لوگ ان کرداروں کو تلاش کرنے، اس فلم کو بنانے اور اس سفر کےآغاز  کے لیے مہینوں سے انتھک محنت کر رہے ہیں۔

 

View this post on Instagram

 

A post shared by Janhvi Kapoor (@janhvikapoor)

اُنہوں نے فلم کی ہدایتکار زویا اختر کی تعریف کرتے ہوئے کہا کہ اس سفر میں آپ کی رہنمائی کرنے کے لیے اور آرچیز کی اس خاص دنیا کو تخلیق کرنے کے لیے زویا اختر سے بہتر کوئی اور انتخاب نہیں ہے۔

یہ بھی پڑھیں: یاسر حسین نے یوکے فلم فیسٹیول میں بہترین اداکار کا ایوارڈ اپنے نام کرلیا

خیال رہے کہ بالی ووڈ کی اس ویب فلم میں’آرچی، بیٹی، ویرونیکا، ریگی، موس اور جگ ہیڈ جیسے 60 کی دہائی کے کلاسک کرداروں کو اور انتہائی مقبول کامک بک سیریز کے تمام کلاسک عناصر کو ہندی ورژن میں ایک نئے انداز میں پیش کیا گیا ہے۔

آرچی اینڈریوز کا کردار پہلی بار کامک بک’پیپ کامکس‘ میں نمودار ہوا اور پاپ کلچر میں دیوانہ وار مقبولیت بھی حاصل کی اور اب فلمی مداح پر امید ہیں کہ مقبول کامک بک سیریز کا ہندی ورژن بھی دلچسپ ہوگا۔