گوگل نیوز پر ہمیں فالو کریںپاکستان تحریک انصاف (پی ٹی آئی) کے بانی عمران خان کےسابق برادر نسبتی اور جمائما گولڈ اسمتھ کے بھائی زیک گولڈ اسمتھ نے وزیر دفاع خواجہ آصف کے بیان پر سخت ردعمل ظاہر کیا ہے۔
گزشتہ روز خواجہ آصف نے سماجی رابطے کی سائٹ ’ایکس‘ پر اپنی ٹویٹ میں کہا تھا کہ آپریشن گولڈ اسمتھ کے ریکروٹ دنیا میں جہاں بھی ہیں وہ عمران خان کی رہائی کے نام پر پاکستان کیخلاف مہم چلا رہے ہیں، ان عناصر کو اسرائیل کی بھر پور حمایت حاصل ہے اور وہ میڈیا میں تواتر کے ساتھ گفتگو کر رہے ہیں۔
جس پر ردعمل کا اظہار کرتے ہوئے جمائما خان کے بھائی اور عمران خان کے سابق سالے زیک گولڈ اسمتھ نے ٹوئٹ کیا اور خواجہ آصف کو شدید تنقید کا نشانہ بنایا۔
زیک گولڈ اسمتھ نے اپنی ٹوئٹ میں لکھا کہ یہ ہے پاکستان کا اصل وزیر دفاع… یعنی ایک بڑا آدمی۔ اس نے ’’آپریشن گولڈ اسمتھ‘‘ کے نام سے ایک چیز ایجاد کی ہے جو بظاہر لوگوں کو بھرتی کرنے کا کام کر رہی ہے، یقین سے نہیں کہہ سکتا کہ کس لیے۔ لیکن یہ خوفناک اور یہودیت جیسا لگتا ہے۔
زیک گولڈ اسمتھ نے لکھا کہ اپنے سیاسی کیرئیر کے دوران خواجہ صاحب پر جن جرائم کے الزامات لگائے گئے ان کی طویل فہرست کو دیکھ کر میں ان کے رویے سے حیران نہیں ہوں۔
ان کا تھا کہ میں نے افسوس کے ساتھ صرف ایک بار آپ کے خوبصورت ملک کا دورہ کیا ہے۔ میں نے کبھی بھی پاکستان میں کسی بھی قسم کی سیاست کو براہ راست یا بلاواسطہ مالی امداد نہیں دی ہے۔ درحقیقت میں خوشی خوشی عمران خان کیلئے عطیہ کروں گا کیونکہ خواجہ صاحب کے برعکس وہ ایماندار ہیں اور صرف پاکستان کے بارے میں سوچتے ہیں، انہوں نے کبھی کبھی (امداد کیلئے) نہیں پوچھا اور نہ ہی کبھی پوچھیں گے۔
زیک گولڈ اسمتھ نے مزید لکھا کہ ’میں اسرائیلی نہیں ہوں، یا کسی بھی طرح سے اسرائیل سے جڑا ہوا نہیں ہوں۔ ہوشیار خواجہ صاحب میرے نام سے الجھ گئے ہیں‘۔
دوسری جانب ڈونلڈ ٹرمپ کے نامزد کردہ خصوصی ایلچی رچرڈ گرینیل نے کہا کہ ’واشنگٹن ڈی سی میں پاکستانی سفارتخانے اور سفیر رضوان شیخ کے کچھ وضاحتیں دینی ہوں گی۔
ان کا مزید کہنا تھا کہ پاکستانی وزیر دفاع کی طرف سے جان سے مارنے کی دھمکیاں، اور آپریشن گولڈ اسمتھ کے بارے میں پاگل پن کی باتیں لاپروائی ہیں۔ اس بات کا جائزہ لیا جائے کہ امریکی ٹیکس دہندہ پاکستان کو کیا امداد فراہم کرتا ہے۔
