گوگل نیوز پر ہمیں فالو کریںگلوکار جواد احمد پر الزام لگایا گیا ہے کہ انہوں نے جمعرات کو جوہر ٹاؤن میں اپنی اہلیہ کے بیوٹی پارلر میں بجلی کی چوری کی جانچ کے دوران لاہور الیکٹر سٹی سپلائی کمپنی کے عملے پر حملہ کیا۔
جانچ کے دوران بجلی کی چوری کا انکشاف ہوا کیونکہ پارلر کا میٹر تبدیل شدہ پایا گیا، جس میں سے ایک فیز غیر فعال تھا۔
لیسکو کے اہلکاروں کے مطابق جواد احمد جانچ کے دوران غصے کی حالت میں موقع پر پہنچے اور مبینہ طور پر عملے سے تبدیل شدہ میٹر چھین لیا۔
قاتلانہ حملے کے بعد سیف علی خان کی دو سرجریاں، حالت اب کیسی ہے؟
رپورٹس کے مطابق برابری پارٹی پاکستان کے رہنما نے اس کے بعد دو لیسکو میٹر ریڈرز، اصغر اور شاہد پر حملہ کیا اور پھر میٹر اور اپنی اہلیہ کے ساتھ وہاں سے چلے گئے۔
واقعے کے بعدلیسکو کے عملے نے تبدیل شدہ میٹر کی رپورٹ سینئر حکام کو دی جو بعد میں موقع پر پہنچ گئے۔ نواب ٹاؤن پولیس اسٹیشن میں جواد احمد کے خلاف لیسکو کے عملے پر حملہ کرنے اور بجلی کی چوری میں ملوث ہونے کی شکایت درج کی گئی ہے۔
