جواد احمد نے عمران خان کو وطن کا غدار اور ملک فروش قرار دے دیا

مشہورومعروف گلوکار اور برابری پارٹی پاکستان کے سربراہ جواد احمد نے سابق وزیر اعظم عمران خان کو وطن کا غدار اور ملک فروش قرار دے دیا ہے۔

سماجی رابطے کی ویب سائٹ ٹوئٹر پر اپنے پیغام میں معروف گلوکار جواد احمد نے کہا کہ لوگ میرے گانے “تم جیتو یا ہارو سنو، ہمیں تم سے پیار ہے” کو عمران خان جیسے آئین شکن، غدارِ وطن، ملک فروش اور عوام دشمن کی ویڈیوز پر لگا رہے ہیں۔

یہ بھی پڑھیں:

مذاق مہنگا پڑ گیا، جواد احمد کا ابرار الحق پر بیہودہ موسیقی سے اربوں کمانے کا الزام

جولوگ بھی میرےگانے”تم جیتویاہاروسنو” کوعمران خان جیسےآئین شکن، غدار وطن،ملک فروش، عوام دشمن کی وڈیوز پرلگارہےہیں وہ یہ جان لیں کہ اگر دنیا ختم ہو جاۓ اور یہ اس میں باقی بچنے والا آخری آدمی ہو تب بھی میں اس جھوٹے منافق کو اپنے اس گانے کے قابل نہیں سمجھوں گا۔

— Jawad Ahmad (@jawadahmadone) April 10, 2022

 گلوکار جواد احمد نے کہا کہ جو لوگ بھی میرے گانے کو عمران خان کی ویڈیوز پر لگا رہے ہیں، یہ جان لیں کہ اگر دنیا ختم ہوجائے اور عمران خان اس میں بچنے والا آخری آدمی ہو، تب بھی میں اس جھوٹے منافق کو اپنے گانے کے قابل نہیں سمجھوں گا۔ 

خیال رہے کہ برابری پارٹی پاکستان کے سربراہ جواد احمد نے عمران خان سے قبل معروف گلوکار اور پی ٹی آئی رہنما ابرار الحق کو بھی ایک ویڈیو کلپ وائرل ہونے پر شدید تنقید کا نشانہ بناتے ہوئے میڈیا اخلاقیات کی ہر حد پار کر ڈالی۔ 

 ٹوئٹر پر اگست 2021 کے دوران اپنے پیغام میں گلوکار جواد احمد نے ابرار الحق پر تنقید کرتے ہوئے کہا کہ پاکستان میں گھٹیا اور بے ہودہ موسیقی شروع کرنے اور اس سے اربوں بنانے والوں کوآج مذہب یاد آرہا ہے۔میں جانتا ہوں کہ یہ منافق لوگ ہیں۔