گوگل نیوز پر ہمیں فالو کریںاسلام آباد:پاکستان کرکٹ ٹیم کے سابق کپتان اور لیجنڈری بیٹسمین جاوید میانداد نے وزیراعظم عمران خان سے کھیلوں کی فیڈریشن کا احتساب کرنے کا مطالبہ کرتے ہوئے کہاہے کہ پاکستانی ایتھلیٹس کو سہولتیں فراہم کرنے کا کہہ کہہ کر تھک گئے۔
اسپورٹس کو کوئی سنجیدہ ہی نہیں لے رہا،سوائے کرکٹ کے کسی دوسرے کھیل پر توجہ نہیں دے رہے، نئے پاکستان میں دیگر کھیلوں کو ساتھ لیکر چلنا پڑے گا۔
اپنے بیان میں سابق کپتان نے ٹوکیو اولمپکس میں بہترین پرفارمنس دینے والے طلحہ طالب کی تعریف کی اور کہا کہ طلحہ نے اولمپکس میں ہمارا سر فخر سے بلند کردیا۔
انھوں نے کہا کہ پاکستانی ایتھلیٹس کو سہولتیں فراہم کرنے کا کہہ کہہ کر تھک گئے، اسپورٹس کو کوئی سنجیدہ ہی نہیں لے رہا۔انہوں نے کہاکہ سوائے کرکٹ کے کسی دوسرے کھیل پر توجہ نہیں دے رہے، نئے پاکستان میں دیگر کھیلوں کو ساتھ لیکر چلنا پڑے گا۔
جاوید میانداد نے کہا کہ کم وسائل کے باوجود طلحہ نے اچھی پرفارمنس دی۔ سابق کپتان نے ماضی کے ساتھی کھلاڑی اور ملک کے موجودہ وزیراعظم عمران خان سے کھیلوں کی فیڈریشن کا احتساب کرنے کا بھی مطالبہ کردیا۔
مزید پڑھیں: تینوں طرز کی کرکٹ میں مستند آل راؤنڈر بننا چاہتا ہوں،حسن علی
