گوگل نیوز پر ہمیں فالو کریںبھارتی اداکارہ جنت زبیر، جو بطور چائلڈ اسٹار شوبز میں داخل ہوئیں، نے انسٹاگرام پر بالی ووڈ کے لیجنڈ شاہ رخ خان کو فالوورز کی تعداد میں پیچھے چھوڑ دیا ہے۔
جنت کے انسٹاگرام فالوورز کی تعداد 49.7 ملین تک پہنچ گئی ہے، جب کہ شاہ رخ خان کے فالوورز 47.7 ملین ہیں۔ یہ کامیابی ڈیجیٹل تخلیق کاروں کی بڑھتی ہوئی اہمیت کو اجاگر کرتی ہے۔
جنت نے اداکاری سے لے کر ڈیجیٹل دنیا تک کے سفر میں مداحوں کے ساتھ گہرا رشتہ قائم کیا اور انہیں اپنا گرویدہ بنا لیا۔
جنت کی متاثر کن پوسٹس، ذاتی کہانیاں، اور مداحوں کے ساتھ مسلسل رابطے نے انہیں انسٹاگرام پر بے پناہ مقبولیت دلائی ہے۔ ان کی منفرد شخصیت اور دلکش انداز نے انہیں نہ صرف ایک کامیاب اداکارہ بلکہ ایک معروف سوشل میڈیا انفلوئنسر بھی بنا دیا ہے۔
View this post on Instagram
جنت زبیر نے اپنے کیریئر کا آغاز مشہور ٹی وی شوز جیسے ’پھولوا‘ اور ’تو عاشقی‘ سے کیا تھا۔ وقت کے ساتھ، انہوں نے خود کو بھارت کی سرِفہرست ڈیجیٹل تخلیق کاروں میں شامل کر لیا۔
View this post on Instagram
ریئلٹی شو ’خطروں کے کھلاڑی 12‘ میں شرکت کرتے ہوئے جنت نے اپنی بے خوف اور زندہ دل شخصیت کا مظاہرہ کیا اور خوب داد سمیٹی۔
حال ہی میں، وہ منفرد شو ’لافٹر شیفس انلمیٹڈ انٹرٹینمنٹ‘ کے پہلے سیزن میں بھی جلوہ گر ہوئیں، جس نے ان کی مقبولیت میں مزید اضافہ کیا۔
