گوگل نیوز پر ہمیں فالو کریںسابق رکنِ قومی اسمبلی جمشید دستی نے خفیہ ایجنسیوں اور سی ٹی ڈی پر اپنے اہلِ خانہ سے غیر انسانی سلوک کا الزام عائد کرتے ہوئے کہا ہے کہ مجھے گولی مار دیں۔ پی ٹی آئی رہنما کی ویڈیو وائرل ہوگئی۔
سماجی رابطے کی ویب سائٹ ایکس (ٹوئٹر) پر جاری ویڈیو پیغام میں جمشید دستی نے کہا کہ میں آج صبح پونے چار بجے یہ ویڈیو بنا رہا ہوں، چیف جسٹس آف پاکستان سے کہتا ہوں کہ میں قومی اسمبلی کا الیکشن 4 بار جیت چکا ہوں۔ آج خفیہ ایجنسیوں اور سی ٹی ڈی کے لوگ میرے گھر میں داخل ہوئے۔
"میرے گھر پر سی ٹی ڈی (CTD) پولیس اور خفیہ ایجنسیوں کا حملہ پاکستان کے محافظوں نے میری فیملی پر ظلم ڈھائے 3 گھنٹے تک پوری فیملی کو یرغمال بنائے رکھا میری زوجہ کو گھسیٹا اور برہنہ کیا موبائل فون چھینے کیمرے اور جو کچھ ہاتھ لگا ساتھ لے گئے #JamshedDasti
— Azmat Ullah Khan (@AzmatKhanTDP) January 1, 2024
ٹوئٹر پیغام میں جمشید دستی نے کہا کہ میرے گھر پر (ظفر کالونی، جھنگرروڈ مظفر گڑھ میں) خفیہ ایجنسیوں اور سی ٹی ڈی کے لوگوں نے بہت بڑا ظلم کیا۔ میری بیوی کو بے لباس کیا، میرے بچوں کو مارا پیٹا ہے۔اس تمام تر تشدد کے دوران دوران میرا 10 ماہ کا چھوٹا بیٹا روتا اور چیختا چلاتا رہا ہے۔
پیغام میں جمشید دستی نے کہا کہ ہمیں 3 گھنٹوں تک یرغمال بنایا گیا۔ ہمارے ساتھ غنڈہ گردی اور بدمعاشی کی گئی۔ گھر کے موبائل فون اور کیمرے توڑ کر لے گئے۔ طویل عرصے سے یہ غنڈہ گردی جاری ہے اور میں پچھلے 9 ماہ سے ان کی غنڈہ گردی کا مقابلہ کر رہا ہوں، لیکن اب ہر حد پار ہوچکی ہے۔
جمشید دستی نے کہا کہ میں پاکستانی شہری ہوں، اتنا بڑا ظلم ہوا جو میں سوچ نہیں سکتا۔ میرا جرم صرف یہ ہے کہ میں اس ملک و قوم کے ساتھ کھڑا ہوں۔ میرا گناہ یہ ہے کہ ہم عمران خان کے ساتھی ہیں۔ خفیہ ایجنسیوں کے لوگ میرے گھر سے جو کچھ ان کے ہاتھ لگا، ساتھ لے کر چلے گئے ہیں۔
