یونس خان کے تجربے سے سیکھنے میں کھلاڑیوں کو وقت لگے گا،باسط علی

ؒٓلاہور: سابق ٹیسٹ کرکٹر باسط علی نے کہا ہے کہ یونس خان کے پاس الہ دین کا چراغ نہیں کہ بیٹسمینوں کی خامیاں دور اور وہ رنز کے پہاڑ کھڑے کردیں گے۔

ویڈیو لنک پر بات کرتے ہوئے سابق کرکٹر نے کہا ہے کہ یونس خان کے پاس الہ دین کا چراغ نہیں کہ آنے سے ایک دم سے پاکستانی بیٹسمینوں کی خامیاں دور اور وہ رنز کے پہاڑ کھڑے کردیں گے۔

یونس خان کے تجربے سے سیکھنے میں کھلاڑیوں کو وقت لگے گا،انگلینڈ میں پاکستانی ٹیم نے ہمیشہ اچھے کھیل کا مظاہرہ کیا، اس بار بھی ایسی ہی امیدیں ہے۔

انہوں نے کہا کہ اس کے لیے ضروری ہے کہ سب فوکس رہ کر میدان میں پرفارم کریں، نئے قوانین اور ماحول میں شان مسعود، بابر اعظم، اسد شفیق، عابدعلی اور اظہر علی کو رنزکرکے پاکستانی ٹیم کی پوزیشن کو مستحکم کرنا ہوگا۔

انہوں نے کہا کہ فواد عالم کی جگہ افتخار احمد کے کھیلنے کا زیادہ امکان موجود ہے۔انگلینڈ کی وکٹ پاکستان کے کھلاڑیوں کے اچھی ثابت ہوگی اور امید ہے کہ وہ اچھی پرفارمنس دینے میں کامیاب ہوں گے۔