گوگل نیوز پر ہمیں فالو کریںاسلام آباد: کرۂ ارض پر تیزی سے رونما ہوتی ہوئی موسمیاتی تبدیلیاں نوعِ انسانیت کیلئے لمحۂ فکریہ ہیں جبکہ 63 فیصد پاکستانیوں کی رائے یہ ہے کہ موسمیاتی تبدیلیوں سے نمٹنے کے لیے بہت دیر ہوچکی ہے۔
سماجی رابطے کی ویب سائٹ ٹوئٹر پر اپنے پیغام میں گیلپ سروے نامی عالمی ادارے نے بین الاقوامی سروے رپورٹ شائع کی جس میں یہ سوال کیا گیا کہ کیاآپ اِس رائے سے اتفاق کرتے ہیں کہ انسانیت کو موسمیاتی تبدیلیوں سے نمٹنے کے لیے بہت دیر ہوچکی ہے؟
سروے میں پوچھے گئے سوال کا جواب دیتے ہوئے دُنیا بھر کے 46 فیصد عوام نے اِس رائے سے اتفاق کیا جبکہ 48 فیصد لوگوں کے مطابق انسانیت اَب بھی موسمیاتی تبدیلیوں سے نمٹ سکتی ہے جس کے لیے اقدامات ضروری ہیں۔
دوسری جانب 63 فیصد پاکستانیوں نے اِس رائے سے اتفاق جبکہ 33 فیصد نے اختلاف کیا۔ 33 فیصد پاکستانیوں کے مطابق موسمیاتی تبدیلیوں سے نمٹنے کے لیے ابھی انسانیت کو دیر نہیں ہوئی جبکہ اکثریت کی رائے کے مطابق موسمیاتی تبدیلیاں اب انسان کا مقدر بن گئی ہیں۔
Nearly equal split between respondents of a global survey who believe that there is still time to curtail climate change & those who say that it is too late. 63% Pakistanis also believe that it is too late (Gallup & WIN World Survey 2019)#ClimateChange https://t.co/JXii7Q3R1a pic.twitter.com/bA00nIhL48
— Gallup Pakistan (@GallupPak) April 7, 2020
موسمیاتی تبدیلیوں سے مراد
موسمیاتی تبدیلیوں سے مراد زمین کی آب و ہوا، موسم اور فضاؤں میں ایسی تبدیلیاں ہیں جو انسان کے غیر فطری طرزِ رہائش، درختوں کی کٹائی اور آلودگی کے باعث پیدا ہوئی ہیں۔
گلوبل وارمنگ، اوزون کی تہہ میں شگاف، سرد موسم کی جگہ گرم اور گرم کی جگہ غیر فطری شدید سرد موسم اور بڑے بڑے گلیشیئرز کے پگھلنے سے دنیا کے متعدد ساحلی علاقوں کا صفحۂ ہستی سے غائب ہونا موسمیاتی تبدیلیوں سے پیدا ہونے والے عوامل کا نتیجہ ہیں۔
یاد رہے کہ اس سے قبل دنیا بھر میں تیزی سے بڑھتی ہوئی گلوبل وارمنگ انسانی سرگرمیوں کا نتیجہ ہے، اس موضوع پر گیلپ سروے کے نتائج شائع کردئیے گئے۔
ٹوئٹر پر گیلپ پاکستان نے اپنے پیغام میں کہا کہ دنیا بھر میں 84 فیصد لوگوں نے ہمارے سوال کا جواب مثبت دیا جبکہ ہم نے عوام سے پوچھا تھا کہ کیا گلوبل وارمنگ انسانی سرگرمیوں کا نتیجہ ہے۔ 84 فیصد لوگوں نے اس سے اتفاق کیا۔
مزید پڑھیں: گلوبل وارمنگ انسانی سرگرمیوں کا نتیجہ ہے۔گیلپ سروے
