گوگل نیوز پر ہمیں فالو کریںاسرائیلی جنگی طیاروں نے غزہ کے جبالیا پناہ گزین کیمپ پر وحشیانہ بمباری کرکے 100 سے زائد فلسطینیوں کو شہید کردیا۔
مغربی طاقتوں کی ایما پر اسرائیل کی جانب سے غزہ پر وحشیانہ بمباری کا سلسلہ جاری ہے اور اب اسرائیلی افواج پناہ گزین کیمپوں کو بھی نشانہ بنانے پر اتر آئی ہیں۔
اسرائیلی طیاروں نے غزہ کے جبالیا پناہ گزین کیمپ پر وحشیانہ بمباری کی ہے جس کے نتیجے میں 100 سے زائد فلسطینی شہید ہوگئے۔
غزہ کے مظلوموں کا مذاق اڑانے پر کویت نے 2 انڈین نرسوں کو ڈی پورٹ کر دیا
اسرائیل نے جبالیا کیمپ پر 6 امریکی ساختہ بم گرائے جس کے نتیجے میں پناہ گزین کیمپ مکمل طور پر تباہ ہوگیا۔
جبالیا کیمپ کی عمارتوں میں سیکڑوں فلسطینی شہری رہائش پذیر تھے، اسرائیلی حملے کے بعد کئی عمارتیں مکمل طور پر مہندم ہوگئیں اور سیکڑوں افراد ملبے میں اپنے پیاروں کی تلاش میں مصروف ہیں۔
اسپتال انتظامیہ کے مطابق جبالیا پناہ گزین کیمپ سے لاشیں اور زخمیوں کو اسپتال لایا جا رہا ہے اور شہدا کی تعداد میں اضافے کا خدشہ ہے۔
خیال رہے کہ گزشتہ دنوں اسرائیل نے غزہ میں اسپتال پر بھی حملہ کیا تھا جس کے نتیجے میں 500 سے زائد فلسطینی شہید ہوئے تھے۔
