گوگل نیوز پر ہمیں فالو کریںیروشلم: مسجد الاقصیٰ کے احاطے میں جمعے کو اسرائیلی پولیس نے دھاوا بول دیا، پولیس کے ساتھ جھڑپوں میں کم از کم 152 فلسطینی زخمی ہوگئے۔
فلسطینی ریڈ کریسنٹ کے مطابق زیادہ تر فلسطینی ربڑ کی گولیوں، سٹن گرینیڈز اور پولیس کے لاٹھیوں کے بہیمانہ استعمال کے باعث زخمی ہوئے ہیں۔
ایک بیان میں، اسرائیلی پولیس نے الزام لگایا کہ سینکڑوں فلسطینیوں کی جانب سے رمضان کی صبح کی نماز کے بعد فورسز اور مغربی دیوار کے قریبی یہودی عبادت گاہ کی طرف پٹاخے اور پتھر پھینکے گئے۔
پولیس پھر مسجد الاقصیٰ کے احاطے میں داخل ہوئی تاکہ لوگوں کو منتشر اور پیچھے دھکیل دیا جائے (اور) باقی نمازیوں کو بحفاظت وہاں سے نکلنے کے قابل بنایا جائے، انہوں نے مزید کہا کہ جھڑپوں میں تین اہلکار بھی زخمی ہوئے۔
اسرائیلی وزیر اعظم کے ترجمان نے ایک ٹویٹ میں کہا ہے کہ پولیس نے سینکڑوں فلسطینیوں کو حراست میں لے لیا۔انہوں نے کہا کہ ”ہم ٹیمپل ماؤنٹ پر اور پورے اسرائیل میں امن و سکون کی بحالی کے لیے کام کر رہے ہیں۔
فلسطینی وزارت خارجہ نے مسجد الاقصیٰ پر تشدد کا حوالہ دیتے ہوئے کہا کہ وہ اسرائیل کو اس جرم اور اس کے نتائج کا مکمل اور براہ راست ذمہ دار ٹھہراتا ہے۔
مزید پڑھیں: جنوبی افریقہ میں سیلاب اور لینڈ سلائیڈنگ،300سے زائد افراد ہلاک
