گوگل نیوز پر ہمیں فالو کریںاسلام آباد ہائی کورٹ نے کشمالہ طارق کے بیٹے کی ضمانت منظور کرتے ہوئے پولیس کو 8 اپریل تک اذلان خان کی گرفتاری سے روک دیا ہے۔
اسلام آباد ہائی کورٹ کے جسٹس عامر فاروق نے کیس کی سماعت کرتے ہوئے وفاقی محتسب برائے ہراسانی کشمالہ طارق کے بیٹے اذلان خان کی عبوری ضمانت منظور کر لی۔
عدالت نے فریقین کو نوٹس جاری کرتے ہوئے ان سے جواب طلب کر لیاہے۔ عدالت نے نے اذلان خان کو 2 لاکھ روپے کے ضمانتی مچلکے جمع کرانے کا حکم بھی دیا ہے۔
عدالتِ عالیہ نے اپنے حکم میں کہا کہ 15 روز میں ضمانتی مچلکے جمع نہ ہونے پر سیشن کورٹ سے ملنے والی ضمانت منسوخ ہو چکی ہے، ضمانت ہی منسوخ ہو گئی تو 10 لاکھ کے مچلکوں کا حکم غیر مؤثر ہو گیا۔
درخواست گزار اذلان خان کے وکیل نے عدالت کو بتایا کہ جاں بحق شہریوں کے ورثاء سے معافی نامہ ہو چکا ہے، زخمی ہونے والے مدعی نے بھی معاف کر دیا ہے۔
یاد رہے سری نگر ہائی وے پر ٹریفک حادثے کے نتیجے میں 4 شہری جاں بحق ہوگئے تھے، عینی شاہدین کا کہنا تھا کہ تیز رفتارگاڑی کشمالہ طارق کا بیٹے چلا رہا تھا۔
یہ بھی پڑھیں: 190 تولہ سونا چوری کا ڈرامہ فلاپ، مدعی خود ملزم نکلا، درخشاں پولیس نے دھرلیا
