گوگل نیوز پر ہمیں فالو کریںاسلام آباد: وفاقی حکومت نے اسلام آباد کے تفریحی مقام مارگلہ ہلز پر باربی کیو اور سگریٹ نوشی کرنے پر پابندی عائد کر دی۔
ضلعی انتظامیہ نے اس حوالے سے نوٹیفکیشن جاری کیا ہے جس کے مطابق مارگلہ ہلز پر سگریٹ نوشی، کچرے یا پلاسٹک بوتلز، بیگز کو آگ لگانے کی سختی سے ممانعت ہو گی۔
ایڈیشنل ڈسٹرکٹ مجسٹریٹ کے نوٹیفکیشن کے مطابق مارگلہ ہلز پر جانے والوں کیلئے سخت ہدایات کی گئی ہیں جن کی خلاف ورزی پر قانون کے مطابق کارروائی کی جائے گی۔
مزید پڑھیں:ماہِ رمضان میں 8 مختلف انداز کے سموسے افطاری میں بنائیں
انتظامیہ کا اس حوالے سے کہنا ہے کہ اس طرح کے اقدامات کے باعث مارگلہ ہل پر آگ لگنے کے خدشات رہتے ہیں، ان خدشات کو مد نظر رکھتے ہوئے دفعہ 144 نافذ کی گئی ہے، دفعہ 144 کا نفاذ آج سے دو ماہ تک ہو گا۔جس پر سختی سے عملدرآمد کرایا جائے گا۔
