گوگل نیوز پر ہمیں فالو کریںاسلام آباد:وفاقی دارالحکومت میں کرپٹ اور راشی پولیس افسران کے گرد گھیرا تنگ کردیا گیا ہے۔
وزیراعظم پاکستان عمران خان کے حکم پر پولیس کے کرپٹ افسران کی لسٹیں تیار کرنے کا حکم دیا گیا تھا،اس سلسلے میں کرپٹ افسران کی نشاندہی کی جارہی تھی۔
وزیر اعظم کو خفیہ اداروں کی رپورٹ وصول ہوتے ہی انہوں نے کرپٹ پولیس افسران کے خلاف فوری کارروائی کا حکم دیتے ہوئے متعلقہ حکام کو کارروائی کی ہدایت کی تھی۔
ذرائع کے مطابق اسلام آباد میں پولیس کے 62سب انسپکٹرز برطرفی کے لئے تیار ہیں، ذرائع کے مطابق ان افسران میں سے چند نے پلی بارگین کا راستہ اختیار کیا۔
آئی جی پولیس اسلام آباد نے وزارت داخلہ کے لیے سمری تیار کرلی ہے، اگلے مرحلے میں ایس ایچ اوز اور ڈی ایس پیز کے خلاف کارروائی ہو گی،تمام افسران کی انکم اور اثاثہ جات کو مد نظر رکھتے ہوئے تفتیش کا عمل آگے بڑھایا جائے گا۔
