اسلام نے پلازمہ کی خریدوفروخت کو ناجائز اور حرام قرار دیا ہے۔مفتی زبیر

ممتاز عالمِ دین مفتی زبیر نے کہا ہے کہ اسلام کے مطابق انسانی خون یا پلازمہ کی خریدوفروخت کو ناجائز اور حرام قرار دیا ہے۔

تفصیلات کے مطابق 2 روز قبل میڈیا نمائندگان سے گفتگو کرتے ہوئے مفتی زبیر نے کہا کہ یہ عام حالات میں بھی درست نہیں کہ انسان اپنے خون کو بیچے یا کوئی اسے خریدے۔

گفتگو کے دوران ممتاز عالمِ دین مفتی زبیر نے کہا کہ کورونا وائرس کے باعث لاک ڈاؤن ہے، معاشی حالات عوام کیلئے مشکلات پیدا کر رہے ہیں۔ ایسے میں مجبورافراد پیسہ دینے کیلئے تیار ہیں لیکن اس سے اسلام نے روکا ہے۔

مفتی زبیر نے کہا کہ یہ ایک سنگین جرم ہے کہ کسی کی مجبوری سے فائدہ اٹھایا جائے۔ شرعاً انسانی خون یا پلازمہ بیچنا نہ صرف ناجائز بلکہ حرام ہے۔ قرآن و سنت دونوں ہمیں اس عمل سے روکتے ہیں۔

مفتی زبیر نے کہا کہ آج کل مافیا متحرک ہے جو لاکھوں میں خون کی خریدوفروخت کو ایک کاروبار کی صورت دے چکا ہے۔ بیماری کی وجہ سے لوگوں کی جان پر بنی ہوئی ہے۔ اس لیے شریعت نے اسے حرام قرار دیا۔