رانی پور کا درندہ پیر ڈارک ویب نامی شیطانی ویب سائٹ کا رکن ہے؟ اس سلسلے میں پیر کی زیادتی اور تشدد سے جاں بحق ہونے والی بچی کے وکیل کی جانب سے خوفناک انکشاف سامنے آیا ہے۔

گزشتہ ہفتے رانی پور میں بااثر پیر کے گھر جنسی زیادتی اور تشدد سے جاں بحق ہونے والی 10 سالہ فاطمہ کے مبینہ قتل میں گرفتار مرکزی ملزم اسد شاہ کو مقامی عدالت میں پیش کردیا گیا۔

یہ بھی پڑھیں:

پولیس نے اسد شاہ کی حویلی سے بازیاب ہونے والی بچیوں اور تین خواتین کو بھی عدالت میں پیش کیا گیا، جبکہ متوفی بچی فاطمہ فرڑو کے والدین اور وکلا کی ٹیم بھی پیش ہوئی۔

فاطمہ کے والدین کے وکیل میر امتیاز میمن نے اس موقع پر میڈیا سے بات کرتے ہوئے یہ لرزہ خیز انکشاف کیا کہ کچھ اطلاعات ملی ہیں کہ اسد شاہ ڈارک ویب کا رکن ہے، یہ لوگ بچوں کے ساتھ زیادتی کی ویڈیو بنا کر اپلوڈ کرتے ہیں، اور یہ ڈارک ویب کی ویڈیوز ریکارڈ کرکے بیچتا ہے۔

وکیل نے دعویٰ کیا کہ پولیس ملزم اسد شاہ کو رات کے وقت بنگلے میں رکھتی ہے اور صبح ہوتے ہی عوام کے ڈر سے اسے تھانے لایا جاتا ہے۔

فاطمہ کی والدہ کا بیان

متوفی فاطمہ کی والدہ نے عدالت کے باہر بات کرتے ہوئے کہا کہ میں اس قاتل پیر کو کبھی بھی نہیں بخشوں گی، اس کو پھانسی تک پہنچاکر دم لوں گی، اب کوئی ڈر نہیں، اگر جان بھی چلی جائے تو بھی پروا نہیں۔