گوگل نیوز پر ہمیں فالو کریںاستنبول: ترکی کے شہر استنبول میں واقع تاریخی مسجد ’ آیا صوفیہ‘ میں 88 برس بعد نمازِ تراویح ادا کی گئی ۔
ترک میڈیا کے مطابق ترک حکومت نے ملک میں رمضان المبار ک کے چاند کا اعلان کیا جس کے بعد آج ترکی میں پہلا روزہ ہے بعدازاں کل آیا صوفیہ مسجد میں 88 برس کے بعد نماز تراویح کا اہتمام کیا گیا جس میں مسلمانوں کی بڑی تعداد نے شرکت کی۔
مزید برآں ترک میڈیا کا کہنا ہے کہ اس مسجد میں رمضان المبارک کے لیے متعدد تقاریب بھی منعقد کی جائیں گی، جسے 1934 میں ایک میوزیم میں تبدیل کیا گیا تھا اور 2020 میں اسے دوبارہ مسجد کی حیثیت حاصل ہوئی تھی تاہم 2 برسوں کے دوران کورونا وائرس کی وبا کے باعث نمازِ تراویح ادا نہیں کی جاسکی تھی۔
خیال رہے کہ آیا صوفیہ مسجد کو مصطفی کمال پاشا اتاترک نے خلافت عثمانیہ کے خاتمے کے بعد 1934ء میں ایک عجائب گھر میں تبدیل کردیا تھا بعدازاں ترکی کی عدالت نے جون 2020ء میں اس کی عجائب گھر کی حیثیت کالعدم قرار دے دی تھی۔
یہ بھی پڑھیں:یوکرین کا روسی آئل ڈپو پر حملہ، روس کا شدید ردعمل
