گوگل نیوز پر ہمیں فالو کریںاسلام آباد: سوشل میڈیا پر وائرل ہونے والی ایک ویڈیو کے حوالے سے پاکستان انٹرنیشنل ایئرلائنز (پی آئی اے) نے باقاعدہ وضاحت جاری کرتے ہوئے کہا ہے کہ ایرانی میزائلوں کی ویڈیو ایک پی آئی اے کے پائلٹ نے خود بنائی تاہم اس عمل سے پرواز کو کوئی خطرہ لاحق نہیں ہوا۔
ترجمان پی آئی اے کے مطابق مذکورہ پرواز سعودی عرب کے شہر القصیم سے وطن واپس آ رہی تھی جب ایران نے اسرائیل پر بیلاسٹک میزائل حملے شروع کیے۔ اسی دوران پی آئی اے کے پائلٹ نے دورانِ پرواز کاک پٹ سے ایرانی میزائلوں کی ویڈیو بنائی۔
ترجمان نے مزید وضاحت کی کہ ویڈیو اُس وقت بنائی گئی جب پرواز 35 ہزار فٹ کی بلندی پر تھی جبکہ میزائل اس سے کہیں زیادہ بلند فضا میں موجود تھے، اس لیے طیارے کو کسی قسم کا خطرہ نہیں تھا۔ اُن کے بقول 35 ہزار فٹ کی بلندی سے دور دراز کے اجسام کو بھی واضح طور پر دیکھا جا سکتا ہے۔
Video made by a PIA pilot pic.twitter.com/wuAOuz2LAs
— Mubasher Lucman (@mubasherlucman) June 16, 2025
ترجمان نے بتایا کہ ویڈیو بنانے کا مقصد کسی قسم کی غیر ذمہ داری نہیں تھا بلکہ یہ ایک غیر معمولی لمحے کی دستاویزی ریکارڈنگ تھی اور اس عمل سے پرواز یا مسافروں کی سلامتی پر کوئی آنچ نہیں آئی۔
واضح رہے کہ سوشل میڈیا پر وائرل اس ویڈیو پر عوامی ردِعمل ملا جلا رہا۔ بعض صارفین نے اسے غیر پیشہ ورانہ عمل قرار دیا جبکہ کئی دیگر افراد نے اسے ایک اہم لمحے کی تاریخی ریکارڈنگ کے طور پر سراہا۔
