اداکارہ نادیہ حسین نے نئی ماڈل لڑکیوں کا دکھڑا کھول دیا

کراچی: باصلاحیت اداکارہ ماڈل و بیوٹیشن نادیہ حسین کا کہنا ہے کہ اب اگرچہ انہیں ماڈلنگ کی پیش کش آنا تقریبا بند ہو چکی ہے تاہم اس کے باوجود ماڈلنگ کی دنیا میں آنے والی نئی لڑکیاں کہتی پھرتی ہیں کہ ’نادیہ‘ جیسی ماڈلز جان نہیں چھوڑ رہیں۔

نادیہ حسین نے انتہائی کم عمری میں ماڈلنگ کا آغاز کیا تھا اور ان کا شمار پاکستان کی ابتدائی چند سپر ماڈلز میں ہوتا ہے۔نادیہ حسین نے تقریبا 2 دہائیوں تک ریمپ پر واک کرنے سمیت اسکرین پر اداکاری کے جوہر دکھائے اور انہوں نے پروگراموں کی میزبانی بھی کی۔

نادیہ حسین نے سنہ 2000 سے قبل ہی ماڈلنگ شروع کردی تھی تاہم انہیں شہرت 2002 کے بعد ملی اور دیکھتے ہی دیکھتے وہ سپر ماڈل بن گئیں اور پھر انہوں نے اداکاری میں بھی قسمت آزمائی۔

 

View this post on Instagram

 

A post shared by Nadia Hussain Khan (@nadiahussain_khan)

ماڈلنگ میں جلوے بکھیرنے اور اداکاری میں جوہر دکھانے کے بعد نادیہ حسین نے اپنا کاروبار شروع کیا اور انہوں نے سیلون کھولے، جس کی وجہ سے وہ اپنے کاروبار میں مصروف ہوگئیں اور انہوں نے ماڈلنگ و اداکاری پر زیادہ توجہ نہیں دی۔

یہ بھی پڑھیں : فرحان اختر کی آنے والی فلم ‘طوفان’ کا ٹیزر جاری کردیا گیا

اپنے کاروبار پر زیادہ توجہ دینے اور آفرز کو ٹھکرانے کے بعد نادیہ حسین کو ملنے والی آفرز تقریبا ختم ہوگئیں تاہم ان کا کہنا ہے کہ اس کے باوجود ماڈلنگ میں آنے والی نئی لڑکیاں یہ کہتی ہیں کہ ’نادیہ‘ جیسی ماڈلز جان نہیں چھوڑ رہیں۔

اردو نیوز کو دیے گئے انٹرویو میں نادیہ حسین کا کہنا تھا کہ ماڈلنگ و اداکاری کرنے کی وجہ سے انہیں عوام سے بہت پیار ملا اور اب تک وہ لوگوں کا پیار حاصل کر رہی ہیں تاہم ماڈلنگ کی فیلڈ میں آنے والی نئی لڑکیاں ان سے متعلق اچھی رائے نہیں رکھتیں۔

 

View this post on Instagram

 

A post shared by Nadia Hussain Khan (@nadiahussain_khan)

نادیہ حسین کا کہنا تھا کہ ماڈلنگ میں آنے والی نئی لڑکیاں یہ کہتی ہیں کہ ’نادیہ‘ جیسی ماڈلز جان نہیں چھوڑ رہیں، جب کہ مصروفیت اور آفرز کو ٹھکرانے کی وجہ سے اب انہیں آفرز آنا بند ہوچکی ہیں۔

ایک اور سوال کے جواب میں نادیہ حسین کا کہنا تھا کہ وہ خوبصورتی بڑھانے کے لیے پلاسٹک سرجری کروانے کے حق میں ہیں اور وہ سمجھتی ہیں کہ جب بھی جس خاتون کو ضرورت محسوس ہو اور اس کے پاس پیسے ہوں تو وہ ضرور پلاسٹک سرجری کروائے۔

نادیہ حسین نے واضح کیا کہ زندگی میں جب کبھی انہیں ضرورت محسوس ہوئی تو وہ بھی پلاسٹک سرجری کروائیں گی۔