گوگل نیوز پر ہمیں فالو کریںپاکستان سمیت دنیا بھر میں شہری ہوا بازی کا عالمی دن آج منایا جارہا ہے جبکہ یہ منانے کا مقصد قومی سطح و بین الاقوامی سطح پر سول ایوی ایشن کے متعلق آگہی دینا ہے۔
اقوامِ متحدہ نے 1996ء میں ایک قرارداد منظور کرتے ہوئے ہوا بازی کے تحفظ کے لیے بین الاقوامی معیار برقرار رکھنے کے حوالے سے شعور بیدار کرنے کے لیے عالمی سطح پر یہ دن منانے کا فیصلہ کیا۔
دنیا بھر کے ممالک نے اقوامِ متحدہ کے جھنڈے تلے ایجنڈا 2030ء اپنانے کا اعلان کیا ہے جس کے تحت بین الاقوامی و مستحکم ترقی کے حوالے سے سول ایوی ایشن کے کردار کو نیا رخ دینے کا فیصلہ کیا گیا ہے۔
سول ایوی ایشن کے دنیا بھر میں فعال اداروں کے تحت دنیا بھر میں امن و خوشحالی کو فروغ دینے کے لیے کام کرنے کا عزم ظاہر کیا گیا ہے جبکہ سول ایوی ایشن کے عالمی دن کے موقعے پر ویژن 2030ء کو فوقیت حاصل ہے۔
بین الاقوامی سول ایوی ایشن آرگنائزیشن (آئی سی اے او) کے تحت ہر 5 سال بعد ایوی ایشن کے عالمی دن کے موقعے پر ایک نیا تصور پیش کیا جاتا ہے تاکہ نئے عالمی سول ایوی ایشن ڈے کے موقعے پر عالمی امن و خوشحالی کو فروغ دیاجاسکے۔
یاد رہے کہ اس سے دو روز قبل پاکستان سمیت دنیا بھر میں مٹی کا عالمی دن منایا گیا جبکہ زمین کو مٹی کی کمی اور موسمیاتی تبدیلیوں کا سامنا ہے جس کے باعث دنیا کے 2 ارب سے زائد افراد غذائی عدم تحفظ کا شکار ہیں۔
دنیا میں ہر 5 سیکنڈ کے اندر اتنی مٹی ختم کردی جاتی ہے جتنی ایک فٹ بال کے میدان کے لیے ضروری ہوتی ہے، اس مسئلے کے خلاف دنیا بھر میں مٹی کا عالمی دن منایا جارہا ہے تاکہ بڑھتی ہوئی آبادی سے پیدا ہونے والے دیگر مسائل کے ساتھ ساتھ مٹی کی کمی پر بھی آگہی پیدا کی جاسکے۔
مزید پڑھیں: دنیا میں 2 ارب سے زائد افراد غذائی عدم تحفظ کا شکار ہیں۔رپورٹ
