پاکستان سمیت دنیا بھر میں ہوا بازی کا عالمی دن آج منایاجارہا ہے

جنیوا: پاکستان سمیت دنیا بھر میں ہوابازی (سول ایوی ایشن) کا عالمی دن آج منایا جارہا ہے جس کا مقصد شعبۂ ہوابازی کے متعلق آگہی کو فروغ دینا ہے۔

تفصیلات کے مطابق 1996 میں اقوامِ متحدہ نے ایک قرارداد کے ذریعے ہوابازی کا عالمی دن منانے کا فیصلہ کیا۔ ہر سال 7دسمبر کے روز رکن ممالک سول ایوی ایشن ڈے مناتے ہیں۔

یہ بھی پڑھیں:

پاکستان سمیت دنیا بھر میں مٹی کا عالمی دن 

دنیا بھر میں خصوصی افراد کا عالمی دن

اقوامِ متحدہ کا کہنا ہے کہ ہوا بازی کا عالمی دن منانے کا مقصد سیاحوں سمیت مسافر شہریوں کو ہوابازی کی محفوظ ترین خدمات فراہم کرنا اور شعبے کی تعمیر و ترقی ہے۔

 ہوائی جہازوں کے ذریعے ایک ملک سے دوسرے ملک آمدورفت نے تیز ترین سفر کو ممکن بنایا۔ فاصلے سمٹ کر رہ گئے۔دنیا بھر میں سالانہ 2کروڑ 50لاکھ افراد سفر کیلئے جہاز استعمال کرتے ہیں۔

جہاز کے ٹیک آف سے لے کر لینڈنگ تک شعبۂ سول ایوی ایشن کی اہمیت کلیدی سمجھی جاتی ہے۔ ہزاروں فٹ کی بلندی پر اڑنے والے جہاز کو ریڈار اور دیگر جدید ترین آلات نگاہ میں رکھتے ہیں۔

آج سے 77برس قبل 1944 میں قائم ہونے والی انٹرنیشنل سوی ایشن آرگنائزیشن کو اپنے قیام کے 52سال بعد اقوامِ متحدہ سے منظوری لینے کا خیال آیا جس کے بعد عالمی دن منانے کا آغاز ہوا۔